Zangbetọ
|
This article is written in Gun (Gungbe) |
Zangbetọ yin vodún de he yè nọ yí do ṣọ́zán to Gunnu-gbeji lẹ to Benẹ, Togo po Naijilia po de. Zangbetọ lẹ taidi ponọ he nọ penukundo jijọhomẹ-ninọ po hihọ́ gbetato dopodopo tọn po go. Ye nọ to dindanpe to okle po ozán po nado mọ dọ hihọ tin na gbẹtọ lẹpo titengbe to zánmẹ. Ye tin nado dobu na ajotọ lẹ po azétọ lẹ po ma nado wa basi awugblenu de na kọmẹnu lẹ bosọ nọ wle dehe ye mọ lẹ bo nọ ze ye sọyi kọmẹgán lẹ kavi ponọ Ahọlu tọn lẹ dè nado yin yasana dile e jẹ dó.
Zẹẹmẹ he yin bibasi gando Zangbetọ go lẹ
jladoSọgbe aṣà Gunnu lẹ tọn, zangbetọ lẹ yin yinyọnẹn bosọ yin alọkẹyi nado nọ penukundo jijọhomẹninọ po hihọ gbétatò lẹ tọn po go to Gunnugbeji lẹ. Na ehe wutu, yé sọgan nọ yin yiylọdọ Ponọ Gunnu-gbeji tọn lẹ . Yinkọ yetọn lọ Zangbetọ zẹẹmẹdo mẹhe nọ penukundo ozán go lẹ. Zangbetọ lẹ nọ ṣinyọ́n azànma he yè basi taidi okàn susu kavi atìkan lẹ. Yé sọ nọ saba sá osẹ̀n sinmẹ voovo lẹ do yé go nado hẹn yé yọnwhanpẹ bosọ yọnpọ́n.
Dodinnanu dohia dọ yé nọ dó huhlọn jọwamọ tọn bọ e ma sọ yin gbẹtọ lẹ wẹ nọ nọ̀ Zanhọ lọ glọ gba, ṣigba gbigbọ jiawu lẹ wẹ nọ nọ̀ Zanhọ lọ lẹ glọ. Zangbetọ lẹ do ogbẹ́, to ogbẹ́ lọ mẹ wẹ Zanvi lẹ, Zangán lẹ, po gbẹtọ mọmọ lẹ po nọ nọ̀. Mẹhe ma yọ́n ozán lẹ ma nọ yí Zanpli lẹ po yé po gba. Zangbetọ lẹ nọ wa nujiawu lẹ, taidi yé ni biọ Ogo mẹ kavi na yé ni jivi he yin Zangbetọ pẹvi devo lẹ kavi na yé ni fiọ yé bọ yé ni sọ vọjọ.
Hunwhẹ Zangbetọ tọn lẹ
jladoHunwhẹ Zangbetọ tọn lẹ nọ yin bibasi to gbétatò voovo lẹ mẹ to ojlẹ voovo lẹ mẹ to Gunnugbeji lẹ. To whedelẹnu Zangbetọ lẹ nọ yin yiylọ nado wá yi nujiawu he ye nọ basi lẹ do hẹn awuya mẹhe nọ wá nuwàtẹn lẹ kavi hunwhẹ devo lẹ tẹnmẹ. Hunwhẹ Zangbetọ tọn lẹ nọ yin bibasi to ofi voovo lẹ to Họgbonu to togbo Benẹ tọn mẹ, podọ ga to Ajido to togbo Naijilia tọn mẹ.