Gunnu lẹ

Gun (Gungbe)

Gun (Bénin)

This article is written in Gun (Gungbe)

Kandai lẹ ko zọn bọ mí mọ dọ Gunnu lẹ wa sọn Dahomey, kavi Benẹ to whenuena ye to fibẹtado dinpe. Gunnu lẹ yin vivi mẹhe tọ́n sọn Whydah, Alada, Họgbonu(Poto Novo), po Xavi po Jakin lẹ po tọn. Towhenuena awhan po tukla po bẹ to Dahomey wẹ ye họn sọn fihe Aigba yetọn te to Owhe kanweko 15tọ die wayi.

Kandai he whenuho-kanto Mesewaku basi zọn bọ mi do yọnẹn dọ fihe ye zinzọnlin gbọn bo sọ nọte do lẹ wẹ Weṣele, Ikoga, Ganyigbo, Ajido, Topo, Dalẹ, Akarakumọ, Ajara.

To egbehe, mi sọgan mọ Gunnu lẹ to Gbagli, Yewa po Ipokia po to Ayimatẹn Ogun tọn. Ye sọ tin to otò Benẹ tọn mẹ. Mẹsusu to Gunnu lẹ mẹ nọ hu whevi, mẹdevo lẹ sọ nọ wa Agọnkẹ zọn po wlakọ sisa po. Ye sọ nọ wa Glezọn ga.

Gunnu lẹ deji do Zangbetọ Vodun go, ṣigba ye sọ do sinsẹn devo lẹ ga. Kandai sọ zọn bọ mi yọnẹndọ nọvinọvi wẹ Gunnu lẹ po Ayọnu lẹ po yin. Nuhewutu e yi gbọnmọ wẹ yindọ to Owhe kanweko fọtọn-nukun-awetọ die, kaka jẹ owhe kanweko fọtọn-nukun-atọntọ, Ahọluigba Oyo tọn lẹ ko dibla yi Gandudu sọn Ahọluigba Dahomey tọn si.