Zangbetɔ
|
Cet article est écrit en Gun (Bénin) |
Zangbetɔ nyí voɖún ɖé xe yè nɔ yí ɖo cɔ́zán to Gunnu-gbeji lɛ to Benɛ, Togo kpó Naijilia kpó ɖé. Zangbetɔ lɛ taiɖi kponɔ xe nɔ kpénukúndó jijɔxomɛ-ninɔ kpó xixɔ́ gbetato ɖokpóɖokpó tɔn kpó go. Yě nɔ to ɖindankpé to okle kpó ozán kpó nadó mɔ ɖɔ xixɔ tin ná gbɛtɔ́ lɛkpó titewungbe to zánmɛ. Yě tin nadó ɖobu ná ajotɔ lɛ kpó azétɔ lɛ kpó ma nadó wa basí awugblenu ɖé ná kɔmɛnu lɛ bosɔ nɔ wle ɖéxe yě mɔ lɛ bo nɔ ze yě sɔyi kɔmɛgán lɛ kavǐ kponɔ Axɔlu tɔn lɛ dè nadó nyí yasana ɖilě é jɛ ɖó.
Zɛɛmɛ xe nyí bibasí gandó Zangbetɔ go lɛ
jladoSɔgbe aca Gunnu lɛ tɔn, zangbetɔ lɛ nyí nyinywɛ bosɔ nyí alɔkɛyi nadó nɔ kpénukúndó jijɔxomɛninɔ kpó xixɔ gbétatò lɛ tɔn kpó go to Gunnugbeji lɛ. Ná exe wutu, yé sɔgan nɔ nyí yiylɔɖɔ kponɔ Gunnu-gbeji tɔn lɛ. Nyǐkɔ yětɔn lɔ Zangbetɔ zɛɛmɛdó mɛxe nɔ kpénukúndó ozán go lɛ. Zangbetɔ lɛ nɔ cinnyɔ́ azànma xe yè basí taiɖi okàn susu kavǐ atìkan lɛ. Yé sɔ nɔ saba sá osɛ̀n sinmɛ voovo lɛ ɖo yé go nadó hɛn yé nyɔ́hwankpɛ bosɔ nyɔ́kpɔ́n.
Dodinnanu dóxya ɖɔ yé nɔ ɖó xúhlɔn jɔwamɔ tɔn bɔ é ma sɔ nyí gbɛtɔ́ lɛ wɛ nɔ nɔ̀ Zanxɔ lɔ glɔ gba, cigbǎ gbigbɔ jiawu lɛ wɛ nɔ nɔ̀ Zanxɔ lɔ lɛ glɔ. Zangbetɔ lɛ ɖo ogbɛ́, to ogbɛ́ lɔ mɛ wɛ Zanvi lɛ, Zangán lɛ, kpó gbɛtɔ́ mɔmɔ lɛ kpó nɔ nɔ̀. Mɛxe ma nyɔ́ ozán lɛ ma nɔ yí Zankpli lɛ kpó yé kpó gba. Zangbetɔ lɛ nɔ wa nujiawu lɛ, taiɖi yé ni byɔ́ Ogo mɛ kavǐ ná yé ni jivi xe nyí Zangbetɔ kpɛvi ɖévo lɛ kavǐ ná yé ni fiɔ yé bɔ yé ni sɔ vɔjɔ.
Hùnhwɛ Zangbetɔ tɔn lɛ
jladoHùnhwɛ Zangbetɔ tɔn lɛ nɔ nyí bibasí to gbétatò voovo lɛ mɛ to ojlɛ voovo lɛ mɛ to Gunnugbeji lɛ. To hweɖélɛnu Zangbetɔ lɛ nɔ nyí yiylɔ nadó wá yi nujiawu xe yě nɔ basí lɛ ɖo hɛn awuya mɛxe nɔ wá nuwàtɛn lɛ kavǐ hùnhwɛ ɖévo lɛ tɛnmɛ. Hùnhwɛ Zangbetɔ tɔn lɛ nɔ nyí bibasí to ofi voovo lɛ to Xɔgbonu to tògbo Benɛ tɔn mɛ, kpóɖɔ ga to Ajido to tògbo Naijilia tɔn mɛ.