Ajido

Ajido yín topẹvi de to Gbagli, he tin to Ayimatẹn Awọnlin tọn mẹ, to Otogbo Naijilia tọn mẹ. Yinkọ ahọlu topẹvi lọ tọn nọ yin Ahọlu Saheed Sedonu Adamson, Topon Toyiaga I, Ahọlu Ahọluduta Ajido tọn.

Whenuho gando otò lọ go

Ajido yin Gbetato dé he tin to Gbagli, bo sọ tin to gandudu dókọtọn Gbagli tọn glọ to Ayimatẹn Awọnlin tọn mẹ to Otogbo Naijilia tọn mẹ. Ajido yin didoai to owhe kanweko fọtọnnúnkunatọntọ mẹ. Mẹ he doeai wẹ Ahọlu Sagbe Aho. Ahọlu Sagbe Aho yin Awhanfuntọgan dé po Ahọlu dé po to whla-whẹgbo to otò Dahomey tọn he wa yin otò Benẹ tọn to egbehe. E sẹtẹn sọn otò lọ mẹ to whenuena yindidi etọn yi aga taun bo zọn bọ Ahọlu Dahomey tọn diọavunnukun sọ ẹ. To whenuena Ahọlu Sagbe Aho họn, e bẹ whẹndo etọn lẹ po Metogantẹnmẹ etọn lẹ po hẹn, bọ ye zinzọnlin gbọn otò delẹ mẹ taidi Agbakamẹ po Godomẹ po. Ajido yin mima do lẹdo atọ́n (5).

Lẹdo atọ́n he tin to Ajido lẹ

• Kogbomẹ
• Zungo
• Apasa
• Gbọjẹ po
• Mọgo po.

Ahọluduwhe he tin to Ajido lẹ

Ajido yin Gbetato dé he nọ du Ahọlu, yé sọ dó Ahọluduwhe ẹne.

• Agbangla,
• Huyọn,
• Ayantọ po
• Toyọn po.

Ehelẹ wẹ Ovi joun Ahọlu tintan Ajido tọn yedọ Ahọlu Sagbe Aho.

Hunwhe po hihọ po

Hunwhẹ Zangbetọ tọn yin hunwhẹ tangan dé to whenuho Ajido tọn mẹ. Zangbetọ dopolọ wẹ sọ nọ yin yiyizan nado sọzan bo basi hihọ na Tomẹnu lẹ.