Sagbohan Danialou

Sagbohan Danialou he yinkọ etọn titi nọ yin Sagbohan Daniel yìn hànjitọ Benẹ tọn de hé yin jiji to azán widopo, Awèwèsun owhe 1951 to Ekpè tomẹ. Mẹjitọ etọn lẹ tlọn Abomey.

Vuwhenu po oplọn he eyi po

Sagbohan Danialou sìn otọ́ yin hànjitọ podọ onọ̀ etọn yin hansinọ dé sọn Abomey. E zan vuwhenu étọn to onọ̀ etọn sìn mẹjitọ lẹ dè. Ohàn he e nọ doto sọn ṣọṣi Methodisti tọn he pannukọn ohọ yetọn po vodun han he ye nọ ji to zanfinfọ̀n to hunwhẹ lẹ whenu wẹ fọn jlo hanjiji tọn dó lanmẹ na ẹn. Otọ́ étọn sọn plọn ẹ nuhiho voovo taidi: kpahlouẹ, maracas, po kpezi po. E biọ numẹnsẹ̀n kosi lẹ tọn mẹ to whenuena e do owhe atọ́n na nunina hanjijitọn etọn wutu. To whenue e do owhe fọ̀ntọ̀nnukundopo, ye plan ẹn do yi Cotonou nado yi plọn Anazọn. Cotonou tohomẹ wẹ e biọ hanjigbẹ dè mẹ te, bo sọ̀ yin ganklekle hotọ to bíbẹ whenu. Gandopolọmẹ wẹ e dó na plọn nuhiho whemitọnnu tọn lẹ yiyizan te. Nado penukundo hanjiji he é yinwanna podọ nado sọgan yí nukọn to é mẹ, Sagbohan Danialou jo anazọn wíwá dó bo pannukọn hanjiji.

Whẹndo etọn

Sagbohan Danialou ji ovi ṣidopo, he susu to ye mẹ nọ hodo e yi hanjitẹmẹ.

1. Ovi mẹho etọn, Djibril ku to owhe 2013.
2. Raimi gankekehotọ̀,
3. Kamal lọsu yin nuhotọ ga,
4. Yọnsi atọ́n wẹ yin mẹhe po lẹ.

To owhe 1968,whenue Sagbohan Danialou to owhe fọ̀ntọ̀nnukunawe dó bọ sọ to anazọn etọn wa to Cotonou tohomẹ, e ho ohun dè yé nọ ylọ dọ congas na nuhogbẹ los commandos he yin nuhogbẹ congas tọn tintan to Benẹ he do òhún wunmẹ vovo lẹ. To whejayi dopo, anadenahantọ lọ sọ na kọja Sagbohan dọ̀ ni yi ho ohun, na húnhotọ yetọn ma wa wutu. Sagbohan ho ohungbe hanjitọ James Brown tọn, bọ é sọ yọn sise na todoaitọ lẹ podo ògán gbẹdutẹn lọ tọn po, na ehe yin nù yọyọ dè na yé to whelọnu. Nujijọ ehe wẹ zọn bọ ògán gbẹdutẹn fie Sagbohan honu te lọ tọn plan ẹn yi otò Naijilia tọn mẹ na dó honu.

Oku Djibril tọn

To azán wiawetọ Awèwèsun owhe 2013, aṣọdonanutọ aṣa Benẹ tọn El pidio, Sagbohan Danialou podo ovi sunnu etọn Djibril po du nudido to whenuena ye nu amasin sọn amasin go de mẹ. Nado sọgan gbọ manọna he Djibril to jijẹ dè, Sagbohan Danialou na ẹn amasin sọn amasin go de e họ to mọto dè mẹ to aliho ji na dó nù. Djibril nù amasin lọ, enẹgodo wẹ é ku dó dotopamẹ El Fateh tọn to họgbonu tohomẹ. Sagbohan Danialou podo El Pidio de Souza lọsu po yin zize yi dotowhe daho Hubert K Maga tọn to Cotonou, na yelọsu nù pẹdè to amasin lọ mẹ wutu. Sigba yé penukundo yé go bọ é sọ pọnte na yé.