Sa'a Ibrahim

Sa’a Ibrahim yin ayinamẹtọ Naijilia tọn gando hodidọ go bo sọ yin linlinkàntọ de. Ewọ wẹ yin yọnnu tintan he lẹzun azinponọ to azọ́nwhe Broadcasting Organisation of Nigeria (BON) tọn. E sọ yin anadenanutọ azọ́nwhe tele Abubakar Rimi tọn.

Gbẹzan bẹjẹeji tọn etọn

Hajia Sa’a Ibrahim yin jiji na Malam Ibrahim po Yalwa Bello po to 18 Lidosun 1960 tọn to Magashi Quarters, gandudu lẹdo dokọ́ Kano tọn.

E yì wehọmẹ Kofar Kudu Primary School sọn 1966 jẹ 1973.To enẹgodo, e zindonukọn yì Government Secondary School to Dala, Ayimatẹn Kano tọn sọn 1973 jẹ 1978 to fihe e mọ gbedewema wehọmẹ pevi tọn yí te.

E mọ gbedewema daho yí to tonudidọ mẹ sọn wehọmẹ alavọ Sokoto tọn sọn gblagbla owhe 1980 podo 1984 po podọ e mọ gbedewema yí to hladiozọ́nwiwa mẹ to wẹhọmẹ alavọ Jos tọn, Naijilia sọn gblagbla owhe 1988 po 1989 po.

Hajia Sa’a Ibrahim mọ gbedewema daho yí to Public relations mẹ sọn wehọmẹ alavọ Bayero tọn to Kano.

Azọ́n

Sa’a Ibrahim bẹ linlinzọ́n jẹeji taidi nubayitọ to hladio Kano tọn ji to 1984. E wa lẹzun tatọ́ to hladio Kano tọn to apadewhe he nọ wazọ́n do titi yọnnu lẹ podo ovi lẹ tọn po.

To 1986, e godo hladio Deutsche-Welle tọn ji to fihe e wazọ́n te taidi awuwledaitọ na tito-to whinnu yọnnu lẹ tọn podo linlindọtọ tọn po.

To 1993, e biọ CTV67 taidi tatọ́ na yọnnu po yọpọvu lẹ po bo gbọnmọ dali lẹzun mẹhe nọ penukundo tito lẹ go.

To 1999, e lẹzun nukunpedonugotọ hladio FM Kano tọn podọ to 2005 e lẹzun alọgọtọ anadenanutọ azọ́nwhe lọ tọn.

To 2014, ayimatẹngan Rabiu Musa Kwankwanso dé e taidi MD/C.E.O na azọ́nwhe tele Abubakar Rimi Television he yin nutindo otò Kano tọn.

To Kọ́yànsun 2019, e yin dide taidi azinponọ BON tọn.

Sinsẹ́nzọ́n

Sa’a Ibrahim sẹ́n to State Advisory Panel for the DFID funded State Accountability and Voice Initiative – SAVI, to fihe e gọalọ bosọ wlebona asisa lẹ to azọ́nwhe linlin tọn, CSOs podo wedegbẹ tonudidọ ayimatẹn lọ tọn.

E sọ sẹ́n taidi tatọ́ ogbẹ linlinzọ́nwatọ ayimatẹn Kano tọn he nọ wlawuna tito nuwiwa tọn sọn Liyasun 2002. To ogbẹ lọ mẹ, e wleawuna alọgọtọ na vọzepọn, nukunpedonugotọ podo kandai gando awukuzọ̀n didesẹ podo hodidọ gando agbasalilo po to ayimatẹn Kano tọn.

E sẹ́n taidi dopo to hagbẹ Social Mobilization Technical Committee he to nukunpedo ayimatẹn ao (10) he to oglọ na UNICEF to Bauchi sọn 1998 jẹ 2002.

Sa’a Ibrahim yin dopo to hagbẹ BON tọn, Theatre and Art Workers Union of Nigeria, (RATTAWU), Nigeria Association of Women, NAWOJ, podo Nigerian Union of Journalists, NUJ.