Onilude Olusegun Adeniran

Onilude Olusegun Adeniran Teliat (mẹhe yin jiji to azán tintan osun ṣiatọ̀ntọ owhe 1966 tọn) yin jiji do Ahovikoh to tòpẹvi Gbagli tọn mẹ he to Aimatẹn Awọnlin tọn mẹ to tògbo Naijilia tọn mẹ. Ewọ wẹ sọ yin Azinponọ na Gandudu Dokọtọn Gbagli tọn to alọnu din.

Onilude Olusegun Adeniran

Tito wehihia tọn etọn

E yì wehọmẹ bẹjẹeji tọn etọn to Answer-ur-deen Primary School sọn Owhe 1972 jẹ 1978. Enẹgodo e yì wehọmẹ daho Baptist Boy's High School to Abeokuta he tin to Ayimatẹn Ogun tọn to togbo Naijilia tọn mẹ nado yi hiawe to wehọmẹ daho to 1979 jẹ 1984. Todin, e yì Male Comprehensive High School, he to Igbesa to Ayimatẹn Ogun tọn fihe e bayi zepọn etọn godo tọn to wehọmẹ daho te, yedọ WAEC examination to 1984. Mọdopolọ, Olusegun Onilude yì Adeniran Ogunsanya College of Education to Ijanikin fihe e yí Gbedewema (NCE) tọn etọn te. Enẹgodo e yì wehọmẹ Alavọ tọn Ogun State University he to Ago-Iwoye, finẹ wẹ e yí gbedewema etọn tintan te to wepinplọn Ajọwiwa mẹ te to owhe 2002 mẹ. Na e yiwanna nupinplọn wutu, e zindonukọn bo yi Wehọmẹ Alavọ tọn University of Lagos to Ojo fihe e yí gbedewema titengbe te to Núpinplọ́n gándo Public Administration (MPA) po gbedewema titengbe devo po to nupinplọn gando wepinplọn go, enẹ wẹ Education Management (M.Ed) to owhe 2009 po 2013 dile yé bọdoyedegodo.

Whẹndo etọn

Olusegun Onilude dó asi po ovi lẹ po.

Azọ́n etọn

To whenuena Olusegun Onilude bẹ azọ́nwiwa nado penukundo ede po whẹndo etọn po go, e bẹjẹeji taidi nuplọnmẹtọ de to wehọmẹ dokọtọn he yin Luwasa High School, to Ijede-Ikorodu to owhe 1989 mẹ. To 2001 yé dèe hlan Community Secondary School, to Ojo. Yé sọ dèe nado penukundo wepinplọn go to gbagli, enẹ wẹ nado mọdọ wepinplọn yí dó ganji to Ablọde Gbagli tọn mẹ to 2005. Vivẹnudido etọn po azọ́n yinyọnẹn etọn po zọn bọ e vọ yín dide whladopo dogọ nado yin wekantọgán na nukunpipedo wepinplọn Ablọde Gbagli tọn go to owhe 2011 tọn mẹ.

Tonudidọ etọn

To 1998 wẹ Olusegun Onilude bẹ tonudidọ jẹeji to whenuena e lẹzun gbẹvi Avunhihona gandudu midedenu tọn, yedọ Ogbẹ Alliance for Democracy tọn. E sọ wa yin ogbẹvi ACN tọn to owhe 2011 tọn mẹ, to whenẹnu wẹ ogbẹ lọ dee nadó yi nọte na Gbagli to sẹndoaiwhe Federal Constituency tọn mẹ. E yin yinyọnẹn ganji na nugopipe etọn nadó bẹ gbẹtọ lẹ pli to tonudidọ lẹnu Gbagli tọn mẹ. Enẹwẹzọn bọ e do yin dide taidi Azinponọ na mẹbẹplitọ tohodọtọ lẹ tọn to vobibla he wa aimẹ to 2015 mẹ to Aimatẹn Awọnlin tọn mẹ.