Niger State Polytechnic
Niger State Polytechnic, he yè sọ nọ ylọ dọ Nigerpoly, yin wehọmẹ nupinplọn atọ̀ntọ tọn (tertiary learning institution) de to Zungeru to ayimatẹn Niger tọn mẹ to Naijilia.
Otàn po Yanwle po jlado
Wehọmẹ lọ bẹjẹeji to Zungeru College of Advanced Studies (ZUCAS). Gandudu ayimatẹn tọn ze ZUCAS sinai do osẹ́ndoai Ayimatẹn Niger Tọn 1979 tọn ji, amọ́ nado dọ hojọho, e bẹ azọ́n jẹeji to azán 10tọ Alunlunsun 1977 tọn to nọtẹn whenu gli tọn de mẹ to wehọ Government College tọn mẹ to Bida. To Zósun 1984 tọn mẹ, wehọ lọ yin tẹnsẹna yi nọtẹn tẹgbẹ̀ tọn etọn mẹ to lẹdo he na ṣẹnṣẹn Zungeru po Wushishi po tọn po mẹ. Yanwle dowhenu tọn wehọ lọ tọn wẹ nado wleawudai na pọngbọ̀ nujọnu tọn na hudo nubiọtomẹsi dandan tọn lẹ tọn na wehọmẹvi he jlo na bio wehọmẹ alavọ tọn lẹ po wepinplọn jẹnukọnna nupinplọn gbedewemayiyi tọn (sub-degree level) lẹ po. Tito Wepinplọn tọn 6-3-3-4 tọn Naijilia tọn ko hẹn zẹemẹvivọbasinanu po anademẹ lẹ didiọ po bibasi gando otẹn Wehọmẹ wepinplọn dokọ̀ tọn lẹ po Wehọmẹ wepinplọn daho daho tọn lẹ po zun dandannu. Po nukununumọjẹnumẹ ehe po, gandudu Ayimatẹn Niger Tọn gbọn Nudide Wedegbẹ́ tọn sọha. C 4(11) tọn dali to Awewesun owhe 1990, doalọwemẹ dọ ZUCAS ni yin didiọ zun Niger State Polytechnic, Zungeru. Gbọnmọ dali, Osẹndoai ayimatẹn Niger tọn sọha. 9 owhe 1991 tọn bẹ azọ́n jẹeji to azán tintan Kọ́yànsun 1991 tọn nado hẹn nudide tẹndidiọ tọn lọ lodo.
Todin, wehọmẹ lọ nọ wazọ́n taidi tito wehọmẹ daho de tọn po weplọntẹn daho awè po, ehelẹ wẹ: College of Science and Technology (CST) lọ to Zungeru, po College of Administrative and Business Studies (CABS) po to Bida.