Bida
Bida yin Lẹdo Gandudu Dokọ̀ tọn de to Ayimatẹn Niger Tọn mẹ to Naijilia podọ tòdaho de to alihogbó A124 highway tọn he yi lẹdo susu to e mẹ ji.
LGD etọn sin aigba gbló sọ̀ kilomẹtlu 51 lẹdo pé podọ gbẹtọ sọha 188,181 wẹ tin to finẹ to mẹhihia 2006 tọn whenu.
Sọha pósu (postal code) tọn lẹdo lọ tọn wẹ yin 912.
Tòdaho lọ jlado
Bida wẹ yin tòdaho awetọ he kló hugan to Ayimatẹn Niger Tọn tọn mẹ gọna nudi gbẹtọ sọha 178,840 ( to 2007). E yin didoai do hùwajiwhèyihọ tatọ́-tẹnnọ Ayimatẹn Niger Tọn, Minna ji podọ e yin tòdaho agékloklo de.
Agbegbe etọn lẹ wẹ Katcha, Enagi, Baddeggi, Agaie, Pategi, Lemu po Kutigi po gọna devo lẹ.
Fidevo lẹ sọ tin to Bida, taidi, Bamisu estate, Ramatu dangana, aliho ECWA poly tọn, Small Market (Ahì Pẹvi), Main Market (Ahì Dahó) po Federal Medical Centre (Bida) tọn po. Wéhọ voovo lẹ taidi, Federal Government Girls College Bida, Federal Polytechnic Staff Secondary School po Government College Bida tọn po gọna devo-devo lẹ sọ to finẹ ga.
Tito Ajọwiwa tọn jlado
Tòdaho lọ yin yinyọnẹn na azọnyinyọnẹn yetọn to anazọ́n onú aṣa tọn lẹ, glási (glass) tọn lẹ, anazọ́n gànvẹẹ tọn lẹ po nuzinzán blási (brass) tọn lẹ po. Bidanu lẹ sọ yin yinyọnẹn na hùnwhẹ Durbar tọn po hùnwhẹ Nupe Day tọn yetọn po. Finẹ wẹ wéhọ Federal Polytechnic po dotówhe dahó Federal Medical Centre tin te gọna Niger State School of Nursing.
Akọ̀ jlado
Akọ̀ tangan lọ wẹ Nupe. Bida wẹ yin tatọ́-tẹnnọ Ahọluigba Nupe tọn he nọ yin anadena gbọn Etsu Nupe - Etsu Yahaya Abubakar to alọnu din - lẹ dali. Nukọntọ Malenu lẹ tọn de wẹ nọ dugán do Bida ji, bọ nukọntọn lọ nọ yin yiylọ dọ Etsu Nupe. Akọ̀ devo lẹ wẹ Igbonu lẹ, Ayọnu lẹ, Hausanu lẹ, Igala lẹ po Gbagi, Ibira lẹ po.