Idah

Gun (Gungbe)

Gun (Bénin)

This article is written in Gun (Gungbe)

Idah yin topẹvi de to whezẹtẹn waji tọ̀sisa Niger tọn tó, to Ayimatẹn Kogi Tọn, to otò Naijilia tọn mẹ. Ewọ wẹ tatọ́ tẹnnọ̀ ahọluduta Igala tọn, podọ e sọ yin lẹdo gandudu dokọtọn de he gbló sọ̀ kilomẹtlu 36 lẹdo pé. Gbẹtọ sọha 79,815 wẹ tin to finẹ sọgbe hẹ mẹhihia he wá aimẹ to 2006.

Otàn

Otò ehe wẹ yin tatọ́ tẹnnọ̀ ahọluduta Igala tọn, podọ mẹhe yin ahọlu otò ehe tọn, yèdọ Attah Igala tọn, wẹ HRM Idakwo Ameh Oboni. Idah yin otò ajọwiwa po whèhuhu po tọn tangan de to Naijilia. Na e yin otò ajọwiwa tọn de wutu, tovi po jonọ susu po wẹ nọ wá wàjọ to finẹ to ojlẹ de mẹ wayi podọ nuhe yé nọ sà taun wẹ jinu lẹ po nuhọakuẹ lẹ po. Alọkẹ́ gànvẹẹ tọn lẹ po akuẹokún lẹ po wẹ nọ yin yiyizan hugan taidi akuẹ to whenẹnu.

Lẹdo

Idah, he yin tọjihun-glintẹn hoho de, tin to whezẹtẹn waji tọ̀sisa Niger tọn tó to alihiamẹnu 7°05′00″N 6°45′00 ji.

Ajọ́

Topẹvi lọ wẹ otò tangan he nọ sà jinukun lẹ na Ayimatẹn Kogi Tọn. E tindo ali ajọwiwa tọn de to tọ̀sisa Niger tọn ji he yè sọgan gbọn nado yì Lokoja,he yin tatọ́ tẹnnọ̀ Ayimatẹn Kogi Tọn, he tin to agewaji Naijilia tọn. Yè sọ sọgan gbọn tọ̀sisa lọ ji nado yì Onitcha he tin to Ayimatẹn Anambra Tọn to huwaji, podọ Agenebode to Ayimatẹn Edo Tọn to wheyihọwaji. Igalanu lẹ wẹ sù hugan to otò ehe mẹ. Mẹhe to gandu do gandudu dokọtọn lẹdo lọ tọn ji to alọnu wẹ Hon Abuh Odoma.

Wepinplọn

Wehọmẹ alavọ cc tọn Federal Polytechnic tin to otò Idah tọn mẹ podọ wehọmẹ alavọ College of Science, Health and Technology lọsu to finẹ ga.