Gwendolen (owe)

Gwendolen (yinkọ United Kingdom tọn ) yin otanwé he yin didetọ́n to owhe 1989 gbọn otanwekantọ́ Naijilia vijiji dé he nọ yin Buchi Emecheta dali, bosọ́ yin yinyọnẹ̀n na tẹnmẹyinkọ otò Amẹlika tọn (United States) etọn The Family. Otànwé ehe wẹ otanwé Aòtọ́ he é detọ́n.

Bladopọ́ Aliho Nuzedonukọnnamẹ tọn

Gwendolen, he tẹnmẹyinkọ etọn nọ yin June–June, yin jọja yọnnu Jamaikanu de he nọ nọ̀ onọ daho etọn Naomi dè. Mẹ̀jitọ́ etọn he yin Winston po Sonia Brillianton po sẹtẹ̀n yi England to whenue é gbẹ́ whè. Sonia ma kẹalọyi kakajẹ whenue é dó owhe widopo whẹpo do yi England. To Jamaica Gwendolen yin zinzanhẹ́ gannugannu gbọn mẹho dé dali he yinkọ etọn nọ yin Uncle Johnny. É dọ aṣli lọ na onọ daho etọn, onọ lọ dọjlẹ̀ hẹ́ dawe lọ bo sọ tún aṣli lọ ná kọmẹnu yetọn lẹ, amọ enẹ hù wiyán ná Gwendolen. To England Gwendolen yi wehọmẹ bo penukundo nọvisunnu etọn awè go enẹ, Ronald po Marcus po, po nọviyọ́nnù etọn Cheryl po go. To whenue onọ etọ̀n lẹkọ yi Jamaica na tito ṣiọdidi onọ dahó etọn Naomi tọn, é sọ yin zinzanhẹ́ gannugannu gbọn otọ etọn titi, Winston dali. É mọhò, ṣigba gbẹtọ lẹ lẹndọ họntọnmọdoaliji etọn he yin glẹkinu dé, he nọ yin Emmanuel wẹ dohò na ẹn. Gwendolen yin ginglọ́ndo dotowhé he nọ penukundo mẹhe to apọnzọn jẹ̀ lẹ tọn na nulẹnpọ́n lọ huagbọ́ ẹ wutu. É ma dọ mẹhe dohò na ẹn na mẹdepope, na òbú lọ dọ otọ́ emitọn sọgan yin súsú dó gànmẹ̀. To ojlẹ dopolọ mẹ wẹ Winston yin huhu azọnmẹ. To whenue é ko ji oviyọnnu de godo, Gwendolen dó oyín na Ovi lọ dọ "Iyamide", ayọgbeyinkọ he zẹẹmẹ dó" onọ ṣie ko wa". To whenue Sonia mọ dọ viyọnnu lọ lọ dì asú emitọn he kú, é wa mọ dọ na nugbo tọn asu emitọn wẹ yin otọ́ Ovi Gwendolen tọn.