Gungbe
|
This article is written in Gun (Gungbe) |
Gungbe (kavi Gun) yin ogbè de he tin to todohukanji ogbè he nọ yin "Gbe" lẹ tọn mẹ. Gunnu lẹ wẹ nọ dó gungbe to Benẹ podọ to Naijilia mẹ ga. Ogbè ehe sẹpọ Fọngbe he Agbomẹnu lẹ nọ dó, Kpase, Maxi, po Wemẹgbe (Ouémé) po. E yin ogbè awetọ́ he nọ yin dido hugan to tòdaho Benẹ tọn mẹ. Yé sọ nọ zan ẹn to wehọ delẹ mẹ to Weme (Ouémé). Gungbe sọ nọ yin dido hugan to huwaji Benẹ tọn yedọ to Porto-Novo, Seme, Bonou, Adjara, Avrankou, Dangbo, Missérété, Akpor-Missérété, Cotonou po tòhomẹ devo he Gunnu lẹ nọ nọ̀ po. Gungbe sọ nọ yin dido to Huwaji-Wheyihọ tọn Naijilia tọn he yin dogbo hẹ otò Benẹ tọn, ṣigba mẹhe nọ do gungbe to Naijilia mẹ lẹ ma sù sọmọ.