Zeynab Habib
Zeynab Habib (yinkọ etọn to gigọ́ mẹ wẹ Oloukèmi Zeynab Abibou, e yin jiji to azán koatọntọ Zósun tọn to 1975). E yin hànsinọ Benẹnu de he yin jiji to Abidjan, to tògbo Ivory Coast tọn mẹ, e sọ yin Ayọnu de. E mọ nunina yẹyidogonamẹ tọn de yí to owhe 2005 he doyẹyigona ẹn taidi yọnnu hànsinọ he yọn hugan to wheyihọwaji aflika tọn. E sọ yin afọzedaitọ otò tọn na Unicef sọn owhè 2007.
Otàn gbẹzan tọn etọn
jladoOtọ́ etọn yin nuyizan lẹtliki tọn lẹ jladotọ de podọ onọ̀ etọn yin ajọwatọ de. Ewọ wẹ yin ovi ṣinatọntọ mẹjitọ etọn lẹ tọn bo yin pinplọnwhẹn to whẹndo daho malénu tọn de mẹ, e tindo nọvi he hugan fọtọnnukun-dopo.
To whenue Zeynab tin to ovu, e yì wehọmẹ de he mẹ yè nọ plọnmẹ ohàn te. To nukọnmẹ, e wá yì wehọmẹ dahò de he tin to Alada to 1993. Dile etlẹ yindọ e fó adà de to wehọmẹ daho etọn mẹ, e wá jo wehọmẹ do nado domọ̀na hànjiji. E wá jẹ awusọhia ji vudevude bo sọ nọ wleawuna nuhiho etọn lẹ nado yì hònu to ofi voovo lẹ bo tlẹ sọ hònu na ojlẹ de to Alex's Hotel lọsu ga to Kutọnu (Cotonou).
Zeynab wá yin yinyọnẹn to otò susu mẹ na ohàn he nkọ e nọ ji wutu, ogbẹ́ UNICEF tọn lọsu doayi hànjiji etọn go ga. To Kọ́yànsun owhe 2015 tọn, e yin dide taidi afọzedaitọ otò tọn na ogbẹ́ UNICEF tọn to otò Benẹ tọn mẹ.
To hànjiji etọn de whenu to 2015, e dọn ayidonugo hanjigbẹ Super Quartz tọn he wá ylọ ẹ nado wá jihàn na yé. Ehe hundotẹnmẹ lọ na ẹn nado wá yọn hànjitọ he diyín taun to ojlẹ lọ mẹ lẹ bo tlẹ sọ jihàn hẹ yé, hànjitọ lẹ taidi Fifi Rafiatou, Awilo Logomba, Jacky Rapon, Jimmy Hope, Nel Oliver (fespam, Congo), Back Médio, KiriKanta po Madou Isbat po.