Tony Umez

Tony Umez yin tovi Naijilia tọn de he yin aihundatọ televiziọn ji tọn. E sọawuhia to aihun Naijilia tọn he yin yinyọnẹn taidi Nollywood tọn Ayọgbe podọ Glẹnsigbe voovo he hugan fọde (200) mẹ sọn whenue e dà aihun etọn tintan to 1994 he hosọ etọn yin Died Wretched: Buried in N2.3m Casket.

Vúwhenu po wehọmẹ yiyi etọn po

Tony Umez yin jiji to Ogidi, yèdọ topẹvi de to Ayimatẹn Anambra tọn. Onọ̀ etọn wá sọn Ayimatẹn Cross River tọn podọ otọ́ etọn wá sọn Ogidi, fie ewọ lọsu yin jiji te. Dile etlẹ yindọ e yin Igbonu de, e ma sè ogbè Igbo tọn, ṣigba e sọgan do ogbè Efik tọn ganji, yèdọ ogbè onọ̀ etọn tọn. Umez whẹn to ayimatẹn Awọnlin tọn fie e yì wehọmẹ dokọ tọn podọ wehọmẹ daho etọn po te. E sọ yí gbedenamẹ Bachelor's degree tọn etọn to wepinplọn gando osẹ́n go mẹ, podọ gando Glẹnsigbe pinplọn po mẹ, to University of Lagos.

Numimọ etọn to aihundida mẹ

E bẹ aihundida jẹeji to whenue e pò to wehọmẹ daho, fie e nọ daihun oplo ji tọn po wadohia po tọn te. To 1993, e jẹ aihun dà ji to Nollywood. E ma mọ akuẹ depope yí sọn aihun voovo awe he e dà lẹ mẹ, ehe zọn bọ e tọ́n sọn ogbẹ́ Nollywood tọn mẹ na owhe vude.

E lẹkọ do ogbẹ́ aihundida tọn lọ mẹ to 1997 bo sọawuhia to aihun de he hosọ etọn yin The Princess mẹ, ṣigba aihun he hosọ etọn yin Died Wretched: Buried in N2.3m Casket. wẹ hẹn ẹn diyin.

Aihun Tony tọn lẹ

• The Princess 1997
• Died Wretched 1998
• Pains 1999
• Demon in law 2003