Segun Arinze

Segun Arinze yin jiji to Owhe 1965 bo yin tovi Naijilia tọn. Yinkọ etọn to gigọ mẹ wẹ Segun Padnou Aina Arinze.

Gbẹzan po wehọmẹ yiyi etọn tọn po

Segun yin jiji to Onisha, to Ayimatẹn Anambra Tọn mẹ. Otọ́ etọn nọ yin Bamidele Padonu bọsọ yin Ayọnu de, ṣigba Onọ̀ etọn nọ yin Lydia Padonu bọsọ yin Igbonu de. Segun wẹ yin ovi tintan mẹjitọ etọn lẹ tọn to ovi ṣianwe he yé ji lẹ mẹ. Avọ̀ wẹ Onọ etọn nọ tọ̀. Gbagli wẹ kunkan etọn tọ́n sọn to Ayimatẹn Awọnlin tọn mẹ. E yì Wehọmẹ Victory College Of Commerce tọn he tin to Ilorin. Enẹgodo, e sọ wá yì Taba Commercial College to Ayimatẹn Kaduna Tọn to fie e fó Wehọmẹ dokọtọn etọn te. Todin e yì Wehọmẹ Alavọ tọn Obafemi Awolowo tọn, fie e plọnnu gando Aihundida Nupinplọn-do-plọnnu tọn te. E wá yin yinyọnẹn ganji taidi Black Arrow, yinkọ de he yé do na-ẹn to Aihundida Nupinplọn-do-plọnnu tọn de he e basi to Owhe 1996 tọn mẹ he yinkọ aihun lọ tọn wẹ Silent Killer. Chico Ejiro wẹ yinkọ mẹhe kàn aihun lọ tọn nọ yin, ṣigba e ma sọ tin to ogbẹ̀ ba. Segun Arinze da dopo to Aihundatọgbẹ́ etọn lẹ mẹ he nọ yin Anne Njemanze, ṣigba pọninọ yetọn ma dẹn sọmọ de. Yé ji viyọnnu dopo he yinkọ etọn nọ yin Renny Morenike to Osun atọ̀ntọ, azán aotọ mẹ.

Azọn etọn

Segun jẹ hanji ji bosọ nọ da aihun nupinplọn-do-plọnnu tọn lẹ. Na taun tọn, hanjiji wẹ hẹn ẹn diyin taun to whenuena e dè agbán etọn Dream tọn, ehe ma sà to ahimẹ sọmọ ṣigba e hẹn-ẹn diyin. Ilorin wẹ e bẹ azọ́n Aihundida tọn etọn te. Gbọnvona azọn Aihundida tọn, e sọ nọ plọnnu mẹdevo lẹ gando Aihundida go to Azọnwhe Prestigious African International Film Festival tọn mẹ. Na e jlo dọ mẹdevo he ja to godo na-ẹn lẹ ni yọn azọ́n lọ ga.