Rauf Aregbesola
Ogbeni Rauf Adesoji Aregbesola (mẹhe yin jiji to azán koatọ́ntọ, Nuwhàsun owhe 1957 tọn) wẹ yin Devizọ́nwatọ na Federal Ministry of Interior Otò Naijilia tọn to alọnu din. Jẹnukọnna ehe, ewọ wẹ yin ayimatẹn-gán ẹnẹtọ he dugán to Ayimatẹn Osun Tọn bo yin tòvi Ilesa tọn to Ayimatẹn Osun Tọn mẹ.
Bẹjẹeji gbẹzan etọn tọn
jladoAregbesola yin tòvi ilesa tọn to ayimatẹn osun tọn to Naijilia. E yin jiji to azán koatọ́ntọ, Nuwhàsun owhe 1957 tọn mẹ. E yin Màlenu de, ṣigba whẹndo Klistiani po Màlenu tọn de po mẹ wẹ e yin jiji do. Rauf Aregbesola yì wehomẹ dokọtọn etọn po wehọmẹ daho etọn po to ayimatẹn Ondo tọn to togbo Naijilia tọn mẹ. E wá yí wehọmẹ alavọ (Polytechnic) tọn to Ibadan to Ayimatẹn Ọyọ Tọn mẹ. fihe e plọnwe gando Mechanical Engineering Technology go te bo sọ yí gbedewema to owhe 1980 tọn mẹ. Mẹsusu wẹ tindo ayihaawe gando gbesisọ gbedewema Aregbesola tọn lẹ go.
Lehe e bẹ tonudidọ jẹeji gbọn
jladoOjlo he Aregbesola tindo na tonudidọ podọ awukinkọndopọ hẹ tonudidọ etọn ko bẹjẹeji sọn whenue e gbẹ to wehọmẹ alavọ tọn bo yin Hoyidọtọ wehọmẹvi lẹ tọn (Speaker of students' Parliament) to whenẹnu (1977-1978), to Polytechnic Ibadan tọn, podọ whenue e yin nukọntọ na Black Nationalist Movement (1978-1980). Rauf sọ yin godonọnamẹtọ tangan de na núwiwa progressive student tọn lẹdo otò lọ blebu pe. Di apajlẹ, e zọn bọ e yin dotẹnmẹna nado yin dopo to ogbẹ́ wehọmẹvi lẹ tọn he yin National Association of Technological Students kakajẹ jẹ oku. To Ayidosun 1990 tọn, e yin dide gbọn ovò dali nado lẹzun afọzedaitọ na ogbẹ́ Social Democratic Party tọn Inaugural Local Government Area Congress tọn. To Liyasun owhe enẹ ropolọ tọn, e yin afọ̀zedaitọ de to plidopo tintan National Convention tọn to Abuja. Taidi godonọnanutọ wunmẹ gandudu 'mẹlẹpo wẹ tindo jlọjẹ' tọn de po alọ̀yitọ jlọjẹ gbẹtọvi tọn po de. Aregbesola yin mahẹtọ tangan de to ahididi sọta gandudu awhànzọ́nwatọ lẹ tọn, po gandudu 'mẹlẹpo wẹ tindo jlọjẹ' tọn po zizedaga he wa aimẹ to gblagbla 1990 tọn lẹ mẹ to Naijilia.