Pita ɖé nyí ɖaxo-gbó/guw-bj
|
Cet article est écrit en Gun (Bénin) |
Pita ɖé nyí ɖaxo-gbó kavǐ Pita I Otò Russia tɔn é nɔgbɛ bɛsɔ́n azán 7tɔ osun 2tɔ oxwe 1682 yi azán 8tɔ osun 2tɔ oxwe 1725. É lɛzun Ahwangan otò Russia tɔn to azan koatɔntɔ osun cidókpótɔ oxwe 1682 to hwenue mɛɖaxo etɔn nyɔ́nusi xe nɔ nyí yiylɔɖɔ Sophya Alekseyevna ciahwan. To oxwe 1697, é dla Oto Elɔkpu tɔn kpɔn bo basí ɖiɖé ɖɔ otò Russia tɔn ɖóná tindó mima to nuwiwa Oxu ji tɔn lɛ mɛ. é ze dódónu fixe agban xe nɔ gbɔn Oxu ji lɛ ná nɔ nyí bibɛ dó kpóɖɔ tɔjihun ɖaxɔ glitɛn xe no nyí yiylɔɖɔ St Petersburg xe wa lɛzun tatɔ-tonɔ otò Russia tɔn to oxwe 1711. É ɖiɔ tito otò Russia tɔn gbɔn osɛn yɔ́yɔ́ lɛ didóai nádó hɛn otò lɔ zun égbezangbe tɔn. Axɔvi Alexander Danilovich Menshikov wɛ nyí xɔ́ntɔn vivɛ Ahwangan lɔ tɔn, Sigba é wa é wa nyí winnyadó ná nutindó oto lɔ tɔn finfin wutu.
_-_Portrait_de_Pierre_Ier_(mus%C3%A9e_de_l%E2%80%99Ermitage).jpg)
Ahwan
jladoAhwan xe oto Russia tɔn fun to hwenue Ahwangan Pita to anaɖénaɛn lɛ ɖie:
- Ahwan sinsinnyɛ Turkish tɔn: To ahwan éxe mɛ Oto Russia tɔn funahwan xɛ Ahwankpa Ottoman tɔn bosɔ ɖuɖéji.
- Ahwan sinsinnyɛ xwezɛtɛn tɔn: Oto Russia tɔn funawahan xɛ Oto Sweden tɔn to ahwan sinsinnyɛ xwezɛtɛn hwenu. To oxwe 1700, Oto Sahony, Denmark kpó Russia kpó nɔkpɔ dó kpéxɛ oto Sweden tɔn kpó. Oto Sweden tɔn kpéxɛ oto Russia tɔn bɔ avun bɛ, Ahwan éxe lɔ nyí yiylɔɖɔ Avun Poltava tɔn. Oto Russia tɔn ɖu to ahwan lɔ ji, cigbǎ, susu to ahwankpa Oto Sweden tɔn, etlɛ nyí Axɔlu yětɔn, énɛ wɛ Axɔlu Charles xii oto Sweden tɔn hɔn.