Patrick Koshoni

Patrick Seubo Koshoni (mẹhe yin jiji to azán fọtọ̀n-nukunawetọ Lidosun owhe 1943 bo nọgbẹ jẹ azán Ko-atọ́ntọ Alunlunsun owhe 2020) yin tòvi Naijilia tọn he yin awhànfuntọ tọji tọn de, mẹhe sọ yin ogán daho de (Nigerian Navy Vice Admiral). E ko yin awhànfuntọgan otò Naijilia tọn de to ojlẹ de mẹ wayi, enẹgodo e ko sọ sẹ́n taidi devizọnwatọ de he nọ penukundo agbasalilo tòvi lẹ tọn go to gandudu General Buhari tọn glọ. To whenuena e to sinsẹ́n taidi devizọnwatọ he nọ penukundo agbasalilo tòvi lẹ tọn go, e tẹnpọn nado basi tito nukunpedomẹgo tọn de he ma biọ dọ mẹhe to azọ̀njẹ lọ ni sú akuẹ dandan whẹpo yè nado jẹ nukunpedo ji.

Bẹjẹeji gbẹ̀zán etọn tọn po wehihia etọn po

Patrick Koshoni yin jiji to Ayimatẹn Awọnlin tọn mẹ to azán fọtọnnukunawetọ, Whejisun Owhe 1943 tọn mẹ. Patrick Koshoni kọnawudopọ hẹ awhànfuntọ tọji tọn lẹ yèdọ (Nigerian Navy) to azán widopotọ Ayidosun Owhe 1962 tọn to whenuena e fó wehọmẹ daho etọn godo to St Finbarr's College, Akoka, to Awọnlin. To owhe dopolọ mẹ wẹ e yì wehọmẹ naval cadetship training tọn he yin fihe yè nọ plọn Awhànfunfun te he nọ yin yiylọ dọ National Defence Training Academy to otò India tọn mẹ, bo wá lẹzun awhànfuntọgan Sub-Lieutenant to azán fọtọnnukundopotọ́ Liyasun, Owhe 1964 tọn mẹ.

Azọ́n etọn

Awhànfuntọgan Koshoni yì wehọmẹ kavi nuplọnmẹtẹn Awhànfunfun tọn susu lẹ bo sọ yin nukọntọ na lẹdo Awhànfunfun tọn susu bo sọ penukundo azọndenamẹ susu lẹ go.