Patrice Talon/guw-bj
|
Cet article est écrit en Gun (Bénin) |
Patrice Guillaume Athanase Talon (xe nyí jiji to azán 1tɔ nuxwàsun 1958) nyí tònuɖɔtɔ́ kpó ajɔwatɔ otò Benɛ tɔn kpó. é kò lɛzun togbogan Benɛ tɔn sɔ́n azan cidókpótɔ lidósun ohwè 2016.
_(cropped).jpg)
Bɛjɛeji gbɛzǎn étɔn tɔn kpó azɔ̌n étɔn kpó jlado
Talon tlɔn kúnkan Fɔnnu lɛ tɔn mɛ bo sɔ nyí jiji to Ouidah. é tɔ́n sɔ́n okún kanlinmɔjɔwatɔ tɔn lɛ mɛ. Otɔ étɔn tlɔn Ouidah bɔ Onɔ étɔn tlɔn hɛnnu Guéɖégbé tɔn mɛ to Abomey. E mɔ gbeɖéwema wexɔmɛ ɖaxo tɔn yi to ɖakar, Senegal. To hwenuena é yí gbeɖéwema to nukpinkplɔ́n lɛnunnunywɛ tɔn mɛ to wexɔmɛ alavɔ tɔn University of Dakar tɔn godo, é nyí ɖiɖé hlan wexɔmɛ agahun kùnkùn tɔn Nátional School of Civil avǐation tɔn mɛ to kparis. kpɔndóhlan étɔn wɛ nádó lɛzun agahunkuntɔ, cigbǎ é ma sɔgan zindónukɔn ná é gbɔawukpó to tɛnkpɔn àgbásálilo ɖé tɔn xe yě basí ná ɛn to dótoxwe wutu. To ohwè 1983, Talon lɛzun ajɔwatɔ nuzinzan ogle tɔn lɛ tɔn. To ohwè 1985, é lɛkɔ dó otò Benɛ tɔn mɛ bo dó azɔnxwe Societé Distribution Intercontinentale, SDI ai. Azɔnxwe lɔ nɔ bɛ nuzinzan ogle tɔn lɛ ná azɔnxwe xe nɔ basí sekanfun lɛ. To ohwè 1990, akwɛ́sɛdótɛn ayihɔ́n tɔn wa gbèta ɖagbe ɖé kɔn ɖɔ otò xe to xweyixɔ Aflika tɔn lɛ nádó sɔgan nágbe tovi kpaa lɛ ni sɔgan dó azɔnxwe yěɖétiti tɔn ai. éxe zɔn bɔ yé ɖɔna otò Benɛ tɔn ni ɖéalɔ sɔ́n sekanfun bibasí mɛ. Talon mɔ dótɛnmɛ lɔ nádó dó azɔnxwe sekanfun tɔn atɔ̀n (3) dó otò Benɛ tɔn mɛ. é sɔ nyí nyínywɛ tayiɖi axɔlu sekanfun tɔn king of Cotton ná ada xe é bɛ to sekanfun sìn àjɔ mɛ. Azɔnxwe xe é dóai lɛ kpɔn basí ná ɛn ná ogbɛ xe é dó kpó tònuɖɔtɔ́ ɖaxoɖaxo oto Benɛ lɛ kpó. Talon nyí dókpó to mɛxe yi akwɛ́ dó nɔ godo ná togbogan ɖayi tɔn Thomas Boni Yayi, hwenue é to wezun hɔn nádó ɖu togbogan to ohwè 2006 kpó 2011 kpó. Azɔnxwe étɔn Benin Control xɔ̀ azɔnxwe awe xe nyí oto tɔn yèɖɔ: Soɖéco to ohwè 2009 kpó kpVI kpó to 2011. To ohwè 2011, Talon lɛzun nukúnkpédónugotɔ ná agbàn xe nɔ tlɔn oto ɖevo mɛ lɛ to Cotonou. To ohwè 2012, é hɔ̀nyi otò Flans tɔn mɛ hwenuena yè sahwɛdókɔna ɛn ɖɔ é fin akwɛ́ húgǎn livi fɔtɔnnukúnatɔn 18 million éuros xé nyí takwɛ́. Ojlɛ kpɛɖé godo, é ma sɔ jɛakɔ xɛ Yayi Boni ba, bo sɔ nyí hwɛsadókɔna sɔ é tin to mɛxe to ná hùn Yayi Boni lɛ mɛ. Yé jona ɛn to ohwè 2014. To ohwè 2015, xojlawema Forbes tɔn kan nyíkɔ Talon tɔn dó otɛn fɔtɔntɔ mɛ ná mɛxe dó akwɛ́ húgǎn to akpaɖéxwe Aflika Sub-Sahara tɔn. Sɔxa akwɛ́ étɔn xe Forbes zinjɛgbonǔ wɛ livi 400 (US $400 Million).
Togbogan jlado
Talɔn wlɛn gánzinkpó togbo Benɛ tɔn to ovo xe nyí bibla to xwejisun ohwè 2016. é lɛzun togbogan Benɛ tɔn to hwenuena é bɛ madó kanɖé-fɔtɔn (55%) to ovo xe nyí bibla wla awetɔ godo to éwɔ kpó lizɔnyizɔnwatɔ́ tangan Lionel Zinsou xe tlɔn tonǔɖɔgbɛ Cowry Forces for an émerging Benin tɔn kpó cɛncɛn.
Otàn gbɛzǎn éɖétiti tɔn jlado
Talon wlealɔ xɛ Claudǐne Gbénagnon xé nyí vijiji Porto-Novo tɔn.Y é sɔ ji ovì awe.