Owhé
Owhé yin ohọ he nọ yin gbigba na gbẹtọ lẹ nido nọ nọ e mẹ. E nọ yin ohọ gbigba tẹgbẹ tọn de. E ma nọ bọawu nado gbaẹ hanyan podọ nado yin tẹnsẹna taidi ava he yin dido nado nọ e sa. Mẹhe matindo owhé nọ yin pinpọnhlan taidi mẹhe matindo fibẹtado. Owhé kavi Ohọ nọ tindo wunmẹ voovo kavi awusọhia voovo. Delẹ nọ whe bo sọgan yin họnudopo kavi klo bosọ tindo họnususu. Ohọ delẹ nọ yin gbigba pedo devo go.
Wunmẹ voovo owhé tọn lẹ jlado
Owhé he yin klandovo jlado
To oto taidi Amẹlika, Canada, Australia po New Zealand po, susu whẹndo tọn lẹ nọ nọ owhé he yin kinklandovo na owhé devo lẹ sigba bo sẹpọ tohomẹ bosọ nọ tindo aliho he yọn ganji. To oto devo lẹ mẹ, etlẹ yin Europe, nado tindo owhé mọnkọ ma nọ bọawu adavo mẹlọ yin adọkunnọ ganji, ehe lọ wẹ nọ yin ojlo mẹlẹpo tọn.
Owhé to lẹdo wamọnọ tọn lẹ mẹ jlado
To oto wamọnọ tọn lẹ susu mẹ, susu gbẹtọ lẹ tọn nọ nọ họnudopo mẹ. Ye nọ saba zan adado dopo to pọmẹ, bo nọ da nududu yetọn lẹ to gbangba. Owhé ehelẹ nọ yin gbigba po azọnwanu zanpo lẹ po taidi ogan hoho,nuhe mẹdevoko zan kavi panu zanpo lẹ.
Họnmẹ jlado
Họnmẹ nọ yin owhé he nọ yin gbigba na gbẹtọ taidi Ahọlu lẹ kavi Ahọsi po Adọkunnọ lẹ po. Họnmẹ nọ saba yin owhé Ahọvi lẹ tọn. Dopo to họnmẹ he diyin to aihọn lọ mẹ wẹ Họnmẹ Buckingham tọn to London.