Obanta
Obanta (yinkọ jọun etọn Ogborogan) wẹ Ahọlu atọ̀ntọ to Ahọluduta Ijebu tọn mẹ he du to owhe-kanweko wiẹnẹtọ he wa lẹzun Ayimatẹn Ogun tọn, to Naijilia. Obanta nọ nukọnna gbẹtọ lẹ nado tọ́n sọ́n Ile Ife bo yi du Ahọlu to Ijebu Ode whenuena [[onọ̀] etọn sìn otọ́, Ahọlu Olu Iwa, he yin Awujale Ijebu Ode tọn tintan basi matintọ. To whenue e jẹ Ijebu, finẹnu lẹ dó kuavọ na ẹn po zohunhun po, po awhá lọ po dọ "Oba wà níta" he zẹẹmẹdo "Ahọlu ko tin to gbangba" to ayọgbe mẹ. Lehe Ogborogan yin yinyọnẹn taidi Obanta dó niyẹn. Whẹndo Obanta tọn zindonukọn nado to ganzinpo-yinkọ Otọ́ yetọn Awujale zan zọnmi, ṣigba todin, Ahọlu po agbagogan lẹ po wẹ nọ basi dide. Osẹ́ndoai to gigo etọn mẹ yin zizedai dó ṣẹnṣẹn tòdaho Ijebu Ode tọn mẹ, sẹpọ agbegbe Itale tọn.
