Obafemi Martins
Obafemi Akinwunmi Martins yin jiji to Azan Gban-ewhe-awetọ, Osun Aotọ, owhe 1984 tọn mẹ. Eyin bọọluhotọ vijiji Naijilia tọn de. E lẹzun Nukundeji na Wezundido to bọluhiho whenu. Martins yin Owhe Ko-atọn-nukun-dopo mẹvi to Whenue E Yi Otò Italy tọn mẹ, sọn whelọnu wẹ é ko to bọlu ho hẹ́ bọluhogbẹ voovo lẹ to Otò Europe tọn mẹ. Owhe 2002 wẹ É bẹ bọlu hiho na Ogbẹ bọluhogbẹ lẹ tọn to Italy ṣigba bọluhogbẹ Inter Milan mẹ wẹ E tin te whẹpo do wa yovotomẹ, bosọ biọ bọluhogbẹ New Castle United to Owhe 2006, Enẹgodo E yí Germany fihe E ho bọlu na VFL Wolfgburg to Owhe 2009 mẹ. To Owhe 2010, E kọnawudopọ hẹ Ogbẹ bọluhotọ Rubin Kazan to Otò Russia tọn mẹ.To Owhe 2011, Rubin Kazan de e do Ogbẹ bọluhotọ Birmingham City to Yovotomẹ. To Ojlẹ ehe mẹ, Obafemi Akinwunmi Martins ko yi gbedewema susu lẹ to bọluhogbẹ voovo lẹ Si kakajẹ otò China tọn lọsu ji, gbọnvona Enẹ Martins yin gbẹtọ Nukundeji na bọluhogbẹ Super Eagles Naijilia tọn. E tindo mahẹ to bọlu hiho na bọluhogbẹ Super Eagles Naijilia tọn Na Agbawhiwhlẹn Otò Aflika tọn to Owhe 2006,2008,2010. Mọdopolọ E tindo mahẹ to bọluhiho na Agbawhiwhlẹn to Otò South Africa to Owhe 2010. Obafemi Martins tindo tọji-nọji Awe he nọ ho bọlu ga. Mẹdaho lọ nọ yin Ọladipupọ Martins, he ko ho bọlu na Raggiana, Partizan, Po Innsbruck po dai whẹpo do Yi gbọjẹwema to owhe 2009 na Ahunzọ̀n wutu. Nọvi etọn wẹ John Ronan Martins. Yinkọ lọ Obafemi zẹẹmẹ do Ahọlu yinwanna mi to Ayọgbe mẹ.
