Nkem Owoh

Nkem Owoh yin aihundatọ po nukikodonamẹtọ dé po to Otò Naijilia mẹ. To owhe 2008 mẹ, e mọ gigopanamẹnu African Movie Academy Award yí na "ada aihundatọ dagbe-hugan tọn" he e yiwa to sinima Otò Naijilia tọn Stronger than Pain he e basi mẹ.

Nkemowoh to owhe 2008

Bẹjẹeji gbẹzan etọn tọn

Nkem Owoh yin jiji do Ayimatẹn Enugu tọn mẹ ,to Otò Naijilia tọn mẹ. To whenuena e fo wehọmẹ dokọ̀ po wehọmẹ daho tọn po godo, e zindonukọn bo yi Federal University of Agriculture, Abeokuta bo yi plọnnu gándo azọ́n nuyọnẹn wintinwintin go. To ojlẹ nupinplọn etọn whenu, Owoh jẹ aihun basi ji to tito televiziọn susu lẹ ji po sinima bibasi po mẹ.

Azọ́n etọn

E sọ yin yinyọnẹn na ada he e yiwa to ohàn lọ "I Go Chop Your Dollar" he gándo azọ́n oklọ tọn lẹ go. Ohàn lọ tọ́n to sinima lọ The Master mẹ fihe Owoh yi adà mẹblẹtọ tọn wa te. The Economic and Financial Crimes Commission po Nigerian Broadcasting Commission po doalọtena ohàn lọ. To owhe 2007 mẹ, ponọ lẹ wle Owoh to Amsterdam, Netherlands (Bijlmermeer lẹdo de mẹ to Amsterdam Zuidoost borough) na dodinnanu osun ṣinawe tọn he ponọ Dutch tọn lẹ he nọ yin "Operation Apollo" basi mẹ. Ye wle Owoh to nuwiwa ohàn didetọ́n dé tẹnmẹ to whenuena ponọ lẹ wá filọ bọ ye wle gbẹtọ kanwe-gban-nukun-dopo (111) na azọ́n oklọ tọn po osẹn Otò lọ tọn he ye gba wutu. To godo mẹ, yé jo Owoh dó. Danuwatọ lẹ fin Owoh sọyi to whèzẹtẹn-waji Otò Naijilia tọn to Abòhúsun owhe 2009 tọn mẹ. Danuwatọ lọ lẹ biọ akuẹ Naijilia tọn sọha livi fọtọ̀n (15 million naira) ofligọkuẹ etọn. Yé jo Owoh dó to whenuena whẹndo etọn lẹ ko vẹvẹ bo su 1.4 million naira taidi ofligọkuẹ na ẹn godo.