Ngozi Okonjo-Iweala

Ngozi Okonjo-Iweala (yin jiji to azan wiatọ̀ntọ́, osun ṣidopotọ,⁹ owhe 1954) eyin nuyọnẹntọ dogbọn tito Akuẹzinzan tọn, E sọ yin Ogan na whẹ̀ho he nọ tlọn yovotomẹ na Naijilia. Eyin dopo to Anadenanutọ to Standard Chartered Bank, Twitter, Global Alliance for Vaccines and Immunizations po African Risk Capacity (A R C) po. Okonjo-Iweala ko wazọn dogbọn nukunpipedo Akuẹzinzan go Whla Awe to Gandudu Togbogan Naijilia tọn dai Olusegun Obasanjo po Goodluck Jonatha tọn glọ.

Ngozi Okonjo-Iweala

Bẹjẹeji Gbẹzan po Wepiplọn Etọn po

E yin jiji to Ogwashi-Ukwu to Ayimatẹn Delta tọn to Togbo Naijilia tọn mẹ. Otọ́ Etọn wẹ profẹsọ Chukwuka Okonjo he yin Ahọlu sọn whẹndo Obahai tọn mẹ to Ogwashi-Ukwu. E yi Wehọmẹ Queen's School to Enugu, st•Anne's School to Ibadan po International School to Ibadan. E yi Wehọmẹ Daho to Harvard University to U S A to Owhe 1978, bo tindo kọdetọn dagbe to Ekonọmi mẹ to Owhe 1976. To Owhe 1981, E yi PHD to Regional Economics Po nukọnyiyi sọn Massa Institute of Technology (MIT). E mọ Alọgọ sọn American Association of University Women lẹ dè nado zindonukọn to wehihia etọn mẹ. E wlealọ hẹ Dr Ike Bá Iweala, bo ji ovi ẹnẹ.

Azọn

Okonjo-Iweala ko wazọn hẹ Akuẹsẹdotẹn Aihọn tọn na Owhe koatọn, bọ sọ yi Otẹn Awetọ Taidi Anadenanutọ. To Owhe 2010, E lẹzun Azinponọ na Ida replenishment, bo yin Nina $49.3billion na Otò he jẹhẹn Tlala lẹ. To Whenue E gbẹ to Azọn wa to Akuẹsẹdotẹn Aihọn lọ tọn, E yin Ogbẹvi Effective Development Cooperation with Africa. Okonjo Basi mínísítà Whla Awe na tito Akuẹzinzan Togbo Naijilia tọn. Ewọ wẹ Yọnnu Tintan he na tin to otẹn enẹ mẹ. Ewọ wẹ nukọntọ na Hodọdopọ po Paris club po, Ehe zọn bọ Ahọ #30 Billiọnu he Naijilia du yin huzẹdo. To owhe 2013, e tẹnpọn nado hẹn nukọnyiyi wa Naijilia gbọn osẹn nina dọ Ami kuẹ he yin sisa to Togbo Naijilia tọn lẹ dona yin bibẹyi Akuẹsẹdotẹn. E sọ Basi lẹndai Akuẹzinzan Ayimatẹn dopodopo tọn dó linlinwe dé mẹ. Po Alọgọ Akuẹsedotẹn Aihọn lọ tọn po IMF Togbo Naijilia tọn po, E doalọte na Ajò he Mẹdelẹ mọ lẹ gbọn yiyi Akuẹ na Azọnwatọ he ma tin lẹ. E lẹzun Anadenanutọ na Akuẹzinzan Aihọn lọ tọn to Awewesun, Owhe 2007. To Owhe 2011, e sọ lẹzun mínísítà nà Akuẹzinzan Whla Awetọ. Bo wleawuna azọn na mẹsusu lẹ gbọn tito Youth Enterprise with Innovation (YOUWIN) bo gọalọna yọnnu jọja po mẹho po gbọn tito Growing Girls And Women In Nigeria (GWIN). E mọ nuhahun susu to whenue Àmì yin Akuẹ deji to Owhe 2012. Okonjo-Iweala yin dopo to Azinponọ na Global Commission For The Economy And Climate Po Partnership For Effective Development Cooperation. To Owhe 2015-2016, E yin Ogbẹvi International Commission On Financing Global Education Opportunities. Okonjo-Iweala wẹ yin Dowatọ NOI-POLLS po Centre For The Study of Economics of Africa(C-SEA). To Owhe 2012, e whlẹnagba Anadenanutọ tọn na azọnwhe Akuẹsedotẹn Aihọn lọ tọn. To Owhe 2019, e kọnawudopọ hẹ Ogbẹ UNESCO'S International Commission On The Future Of Education. To Owhe 2020, Anadenanutọ IMF, Kristalina Georgieva Yi Okonjo dó Basi dopo to Ayinamẹ̀tọ lẹ mẹ. African Union lọsu yii do Basi Nukunmọnu yetọn nado doalọtena nuhahun he Azọn Corona tọn hẹn wá tito Ajọwiwa Agbegbe lọ tọn.

Mẹyinyọnẹn Etọn

Okonjo-Iweala yí Gbedewema sọn Wehọmẹ Daho konukunẹnẹ , wehọmẹ Alavọ Pennsylvania tọn (2013), Wehọmẹ Alavọ Yale tọn (2015)Amherst College (2009) Trinity college, Dublin (2007) wehọmẹ Alavọ Brown tọn (2006) Colby College (2007) Wehọmẹ Alavọ Northern Caribbean tọn, Jamaica, Wehọmẹ Alavọ Ayimatẹn Abia tọn, Wehọmẹ Alavọ Delta Abraka tọn, Wehọmẹ Alavọ Oduduwa tọn, Wehọmẹ Alavọ Babcock tọn, Wehọmẹ Alavọ Portharcourt tọn, Calabar tọn po Ìfẹ tọn po(Ọbafẹmi Awolọwọ)Tele Aviv tọn po.