Ngozi Nwosu

Ngozi Nwosu yin jiji to azan tintan, Avivọsun, owhe 1963 tọn mẹ. E yin Aihundatọ nukundeji de bo yin mẹhe nọ dé aihun tọn bosọ yin vijiji Otò Naijilia tọn. E bẹ Aihundida sinimọ tọn jẹeji to ogbe Ayọgbe tọn mẹ whẹpo e do kọnawudopọ to Aihundida Igbo tọn he hosọ Etọn yin Loving in Bandage.

Ngozi Nwosu
Nudọnamẹ Mẹdetiti Tọn
Jijizan	Avivọsun 1, 1963

Gbezan etọn

Nwosu yin tovi Arochukwu tọn to Ayimatẹn Abia tọn. E whẹn to Awọnlin to fihe eyin jiji dó. E hẹn Otọ etọn bu to oku mẹ to Awhan nuglọ tọn Naijilia tọn Whenu. E se glẹnsigbe, Ayọgbe po Igbo gbe po ganji. E yi wehọmẹ dokọ̀ St Paul Anglican tọn, to Idi ọrọ. Enẹgodo eyi wehọmẹ daho Maryland Comprehensive High school tọn to Ikẹja to Ayimatẹn Awọnlin tọn. E yi na nuplọnmẹ azọn Aihundida tọn to Otò Reverend fabian oko glọ to Azọnwhe Aihundatọ Royal Theatre Art Club School.

Azọn etọn lẹ

E bẹ Azọ́n Aihundida tọn Etọn jẹeji to Whenue e tin to wehọmẹ. E tindo mahẹ to Aihun taidi "madam v boot" to Aihun television tọn he hosọ etọn yin Ripples mẹ. E sọ tindo mahẹ to Aihun taidi "Peace" to Aihun dida Televiziọn nukikodonamẹ tọn de he nọ yin Fuji House of Commotion (he Amaka Igwe zedai). Ewọ wẹ Asi atọntọ he Fuji da to Aihun lọ mẹ. To owhe 2018 tọn mẹ e tindo mahẹ to Aihun taidi "Ẹnẹ" to Aihun "Sade" tọn mẹ. Esọ yin Azinponọ na Aihun delẹ taidi Evil Passion, Stainless po tito Ladio tọn de he nọ basi onga po.