Moshood Kashimawo Olawale Abiola (azán konukunẹnẹtọ, Avivọsun, owhe 1937 - azán ṣianwtọ, Avivọsun owhe 1998) zẹẹmẹdo M.K.O Abiọla yin ovi oto Naijilia tọn. E yin jiji to Abẹokuta to ayimatẹn ogun tọn mẹ. E yin ajọwatọ, wezintọ, tonudọtọ podọ dopo to ogan ayọnu(yoruba) ẹgba tọn lẹẹpo. E whlẹn ogantẹn ogan oto Naijilia tọn to owhe 1993, ewọ lọ wẹ mẹlẹpo kọngbedopọ bo yise dọ ewọ wẹ na yín togan oto naijilia tọ́n. To whenue awhangan whenẹnu tọn Ibrahim babangida ma la dọ ewọ wẹ tọnta to tito ovo lọ tọn, e sọ sawhẹ nugbonọmayin po mawadodo po dokọna ẹn bọ e mado dugan lọ. M.K.O basi matintọ to owhe 1998.

Moshood Abiola
{{{IMAGE-ALT}}}
Nudọnamẹ Mẹdetiti Tọn
Jijizan 24 Avivọsun 1937
Okúzán 7 Liyasun 1998

Otàn gbẹzan etọn tọn jlado

Moshood Abiọla wẹ yin ovi tintan otọ́ po onọ etọn tọn po to ajidonu ovi konukunatọn(18) godo. Enẹ wẹzọn bọ ye do nọte jẹ owhe fotọn(15) godo, whẹpo mẹjitọ etọn lẹ do dó yinkọ na en "Kaṣimawo". Moshood tọnta to oyọnẹn agayiyi etọn tọn mẹ. Sọn ovu whenu etọn gbọ́n, e sọ bẹ nake sisa sọn whenue e to owhe ṣianwe mẹ. E nọ fọnzan yi nakegbemẹ nado din nake he e na sa jẹnukọn whẹpo e nado yi wehọmẹ na ewọ po otọ etọn he ko poyọnho podo nọvi etọn lẹ po nido mọ akwẹ zan ga. Whenue e sọ owhe fọtọn(15) mẹvi, e do ogbẹ aihundida tọn de te, he mẹ ye nọ jihan pe nado mọ nududu to nuwiwa tẹnmẹ depope he ye yi. Madẹnmẹ, e lẹzun gbẹtọ nukundeji to ohan he ye to jiji pe mẹ, e wa lẹzun mẹhe nọ biọ azọnkwẹ whẹpo do jihan to nuwiwa tẹnmẹ dopodopo. Akwẹ he e mọ to aihundida etọn mẹ wẹ e do gọalọna hẹnnumẹ etọn lẹ bosọ su wehọmẹkwẹ etọn he e yi to onitẹbọmi he tin to Abẹokuta. Abiọla yin hodọtọ linlinwe sẹmẹsẹmẹ wehọmẹ etọn tọn he nọ yin the trumpeter whenue Oluṣẹgun Obasanjọ yin mẹbọdomẹgo etọn. E kọnawudopọ po ogbẹ Natioal Council of Nigeria and the cameroons. Whenue e pe owhe fọtọnnukunẹnẹ(19) mẹvi, na owanyin he e tindo na tito tonudidọ tọn, to asia ọbafẹmi awolọwọ tọn glọ he yin dowatọ ogbẹ tonudidọ tọn action group.

Alọdlẹndonu lẹ jlado