Marcelle Lively Hamer

Elizabeth Marcelle Lively Hamer (yin jiji to azan 14tọ liyasun 1900 bo ku to azan ẹnẹtọ whejisun,1974) yin Amerika Labrarian de podọ e to pinplọn lehe ye nọ yinuwa do aṣa liho to bgetato lẹ mẹ bo sọ to yiyi do kan ji. E wazọn to wehọmẹ alavọtọn Texas po El Paso Public Library po na hugan owhe 30. E wazọn taidi mẹ he jẹakọ hẹ otan aṣa Texas tọn po whenuho etọn po. Hamer wazọn na owhe 17 taidi mẹ he nọ penukun do akuẹ ogbẹ aṣanuplọmẹ Texas tọn.

Bẹjẹeji gbẹzan etọn tọn po wepinplọn po

Whitewright, Texas tọn wẹ Elizabeth Marcelle Libely yin jiji te to azan 14tọ liyasun 1900. Otọ etọn nọ yin Robert Morris bọ onọ etọn nọ yin Clara Susan (Lemon) Lively. Otọ Hamer tọn yin ajọwatọ daho de podọ e nọ wazọn to akuẹ sẹdo tẹn. Onọ etọn nọ plọn glẹsi gbe to wehọmẹ daho Grayton tọn. Hamer zan whe dopo to wehọmẹ daho sinsẹn tọn he sinsẹnnọ yọnu lẹ nọ deana na Kidd-Key college whẹpo e do wa fo wehọmẹ daho Southeastern State Normal. To 1919, Hamer yi gbedewema owhe awe tọn to wehọmẹ daho sinsẹn tọn, to wehọmẹ lọ ewọ wẹ yin nukọntọ ogbẹ wehọmẹvi lẹ tọn tọn. Hamer yi gbedewema daho to glẹsi gbe mẹ to wehọmẹ alavọtọn Oklahoma tọn to 1921. To nukọn mẹ e yi gbedewema daho hugan to wehọmẹ alavọtọn Texas tọn to 1939. Wema he mẹ Hamer wazọn te wẹ "Anecdotal Elements in Southwestern Literature". To linlinwe ogbẹ tọn 1943 tọn he dọho gando otan Texas tọn de mẹ, wema Hamer tọn wẹ ye dọ e yin hihia hugan to wehọmẹ alavọtọn Texas tọn pete mẹ.

Hamer da asu etọn Robert Colt Hamer to 1922. Alọwle lọ de ovi yọnusi dopo tọn enẹ wẹ, Mary Marcelle Hamer Hull. Alọwle Hamer tọn gba to 1930.

Azọn etọn

Hamer wazọn taidi anadenanutọ wehọmẹ alavọtọn Texas Pete tọn sọn 1935 jẹ 1955. Hamer nọ zan "Battle Hall reading room" taidi azọnwate etọn. El Paso Public Library na ẹn azọn dọ ni yin alọgọtọ to 1955.