Makoko

Makoko yin lẹdo de he tin tọ̀tó, sẹpọ ageklo Awọnlin tọn, to adà awetọ anà 3rd Mainland Bridge tọn ji. Diblayi mado-atọ̀n ohọ̀ he to lẹdo lọ mẹ lẹ tọn wẹ yin gbigbá do dòtin ji to tọ̀tó podọ do lẹdo aigba lọ tọn he pò ji. Gunnu lẹ wẹ yin suhugan mẹhe nọ nọ̀ tọ̀tó-waji lẹdo lọ tọn lẹ, yé wá sọn Gbagli podọ sọn Benẹ podọ azọ́n tangan he yé nọ wà wẹ whèhuhu.

Makoko to whedelẹnu nọ yin alọdlẹndo di "Venice he to Aflika" na osin susu he lẹdo e pé lẹ wutu. E yin sọhayina dọ gbẹtọ sọha he to lẹdo lọ mẹ wẹ 85,840; ṣigba gbẹtọ he to lẹdo lọ mẹ lẹ ma yin hihia tlọlọ to mẹhihia he wá aimẹ to 2007 whenu, podọ sọha mẹhe to finẹ lẹ tọn ko yin pinpọnhlan di dehe su hugan mọ. To Liyasun, Owhe 2012 tọn, tohọluduta Awọnlin tọn matin avase he jẹ de, degbe dọ apadewhe ohọ̀ he yin gbigbá do dòtin ji to lẹdo lọ mẹ lẹ tọn ni yin hihọliai. Ehe dekọtọn do ohọ̀ susu he to tọ̀tó lẹdo Iwaya/Makoko tọn lẹ hihọliai podọ ehe zọn bọ whédo susu ma sọ tindo fibẹtado ba.

Otàn

Makoko: Viyọnnu pẹvi de po nọviyọnnu etọn po to tọjihun de mẹ

Yọpọsunnu he to tojihun kùn lẹ yin nude he nọ yawu yin mimọ to Makoko

Makoko yin didoai to owhe kanweko fọtọnnukunẹnẹtọ, suhugan ohọ̀ he yin gigbá to lẹdo lọ mẹ tọn wẹ yin yin gbigbá do dòtin lẹ ji to tọ̀tó. Makoko yin lẹdo de he sẹpọ Iwaya po Oko Baba po.

Yinkọ lọ Makoko yin hogbe Ayọgbe tọn de he eyin e yin lilẹdogbedevomẹ, e zẹemẹdo nado "ze Akoko". To aṣa Ayọnu lẹ tọn mẹ, amà "Akoko" tọn lẹ nọ yin yiyizan nado gọalọ na vijiji podọ e sọ nọ yin yiyizan to whenue ogán de jlo na yin zizedo gántẹnmẹ, Makoko egbezangbe tọn tindo amà ehe susu he wú lẹdo pe.

To Liyasun 2012 tọn, tohọluduta Awọnlin tọn, to gandudu Babatunde Fashola tọn glọ, degbe dọ ohọ̀ he yin gigbá do dòtin ji lẹ to tọ̀tó Iwaya/Makoko tọn lẹ ni yin hihọliai podọ to ganhiho 72 poun gblamẹ he avase lọ yin nina godo, ohọ̀ he yin gigbá do dòtin ji lẹ susu wẹ yin hihọliai. Diblayi gbẹtọ sọha 3000 wẹ hẹn fibẹtado yetọn bu na nuyiwa ehe wutu. To osun awe he nuyiwa ehe wá aimẹ godo, ogbẹ́ họ̀gbigbá tọn de he yin yinyọnẹn di Urban Spaces Innovation basi tito de nado gọalọ to lẹdo Makoko tọn hinhẹn lodo mẹ po wepinplọn po. Tito ehe yin zizedonukọnna ogbẹ́ Lagos State Ministry of Urban and Physical Planning tọn to Alunlunsun 2014 tọn.

Yẹdide-sẹdótẹn

• 
  Yẹdide lẹdo aigba tọn Awọnlin tọn to 1962, he do Makoko po Lagos Mainland po hia.
• 
• 
• 
  Makoko, 2010
• 
  Yẹdide Makoko tọn de, 2017.
• 
  Whèvi he yin hùhù to Makoko lẹ
• 
  Whèvi hihi to Makoko
• 
  Whenue whèvi lẹ yin hihi godo to Makoko
• 
• 
• 
• 
• 
•