Jumoke George

Jumoke George (Olajumoke Amoke Olatunde George) yin aihundatọ otò Naijilia tọn dé, sinima-bayitọ po sinima-zọ́nwatọ dé po. E ko daihun to ayọgbe mẹ podọ to glẹnsigbe mẹ to sinima Nollywood tọn mẹ bo ko sọ basi tito Televizion tọn susu lẹ to Otò Naijilia tọn mẹ.

Bẹjẹeji gbẹzan etọn tọn po wehọmẹ yiyi etọn po

Jumoke George yin jiji to azán fọtọ̀n-nukunatọ̀ntọ Afínplọsun tọn. E wá sọn otò Ibadan tọn mẹ, he yin apadewhe Ayimatẹn Oyo tọn. Awhanfuntọ Otò Naijilia tọn wẹ otọ́ etọn yin podọ onọ-pẹvi etọn yin dotozọnwatọ dé he nọ wazọn na awhanfuntọ lẹ. Mẹjitọ George tọn lẹ klan to whenue e tin to pẹvi, otọ etọn po onọ-pẹvi etọn po dè wẹ George nọ. To whenue wíwọ wa ewọ po onọ-pẹvi etọn po ṣẹnṣẹn godo, otọ etọn yan-ẹn sọn whegbe to whenue e tin to wehọmẹ daho, enẹwutu George yin nukunpedego gbọn họntọn etọn lẹ dali. George yi wehọmẹ Command Children School Ann's Barracks Yaba, to Awọnlin; the Army Children School, to Otò Kano tọn mẹ; the Anglican Grammar School, Orita mefa, to Otò Ibadan tọn mẹ. George yi Government Technical College, to Osogbo fihe e plọnnu gándo Business Administration te.

Azọn etọn

Gbọn hẹnnu-họntọn dé dali, azọn aihundida yin didohia George to whenue e tin to owhe ṣiantọn mẹ. E daihun oploji tọn po National Television Authority (NTA) to Otò Ibadan tọn mẹ. E biọ ogbẹ aihundida NTA tọn mẹ to Otò Ibadan tọn mẹ. Gbọn alọgọ Victor Ashaolu tọn dali, Jumoke biọ ogbẹ aihundida Ayọgbẹ tọn mẹ. To whenue e ma tindó kọdetọn dagbe depope to azọn lọ mẹ, George lẹzun dopo to gbẹ-vi Freelance and Independent Broadcasters Association of Nigeria (FIBAN). Jumoke deanana tito Televizion tọn atọ́n (5) he hẹn alọ etọn jan taun sọn azọn aihundida tọn mẹ.

Aihun he e da lẹ

• Eekan soso, 2009
• The Wedding Party, 2016
• My Wife & I, 2017
• The Ghost and the Tout, 2018
• Love Castle, 2021

Ajọ̀ lẹ

E mọ ajọ̀ City People Movie Matriarch Recognition yi to owhe 2018 tọn mẹ.