Joe Praize

Joseph Omo Ebhodaghe yin jiji to Ayidosun 20, 1979 bo yin yinyọnẹn ganji taidi Joe Praize, e yin hànjitọ wẹndagbe tọn, nukọntọ ohàn pipà podo sinsẹ̀n-bibasi tọn po, ohànkantọ podọ anadetọ ohàn tọn he lẹzun omẹnukundeji to whenuena e ze ohàn víví etọn Mighty God tọn sọn bladopọ ohàn yọyọ etọn mẹ My Praise.

Gbẹzan bẹjẹeji tọn podo azọn po

E yin jiji to oto Edo Naijilia, do whẹndo omẹ ṣinẹnẹ tọn (9), Joe Praize yin vivọji to 1991. Weplọntọ gando azọn lẹdo podo tito wedegbẹ tọn sọn wehọmẹ alavọ Jos tọn, oto Plateau, Naijilia. Sọn whenẹnu gbọn wẹ e ko lẹzun nukọntọ ohàn pipà podo sinsẹ̀n-bibasi tọn po to Love World a.k.a. Christ Embassy. E ko yilizọn to otogbo susu mẹ taidi South Africa, Canada, United Kingdom, United States, Australia, Italy, Spain, Switzerland, Cyprus, Naijilia, Ghana podo devo lẹ po bo sọ yi ajọ̀ susu lẹ. Delẹ to ajọ̀ lọ lẹ mẹ wẹ ajọ̀ na ohàn he yọn hugan to owhe 2010 mẹ, to Love World Award podo ohàn lọ Mighty God po ehe yin ohàn atọ́n tọ to bladopọ tintan ohàn etọn mẹ, My Praise. E sọ yin dide na ohàn wẹndagbejlatọ Aflika tọn he yọn hugan gbọn SABC Crown Gospel Awards 2010, nukọntọ he yọn hugan to whezẹtẹn Aflika tọn to ajọ̀ ohàn wẹndagbe Aflika tọn to UK 2011, ajọ̀ owanyin aihọn tọn 2011, na ohàn sinsẹ̀n he yọn hugan to owhe lọ mẹ, hànjitọ he yọn hugan to owhe lọ mẹ to ajọ̀ crystal tọn to Naijilia, ohàn sinsẹ̀n-bibasi tọn he yọn hugan to ajọ̀ Coson Naijilia, nuwadotana ohàn wẹndagbe gbẹwhenu tọn to ajọ̀ Italy, e hopodona Ayo Vincent to fidio etọn You Are Great mẹ he yin fidio he yọn hugan bo mọ ajọ̀ Crystal tọn yi na hànjitọ wẹndagbe Naijilia tọn ehe wa aimẹ to Liyasun Owhe 2014 podọ ajọ̀ ayidonugo vonọtaun oveworld Australia tọn to owhe 2014. E da asi etọn Joana to Ayidosun 2017 bo ji ovi yetọn tintan he yin sunsi to Azan ko-atọ́n-nukun-dopotọ, Avivọsun, Owhe 2018 tọn mẹ.

Bladopọ ohàn etọn lẹ tọn

Bladopọ ohàn etọn lẹ tọn to azizahọmẹ

• Mighty God
• Alpha Omega
• My Praise
• All the Praise
• Most High

Bladopọ ohàn ogbẹ̀ etọn lẹ tọn

Joe Praize ko tindo mahẹ to ohoyidokanji vovo lẹ mẹ podọ ohànyidokanji DVD tọn to Christ embassy to nuwiwa susu owhe lọ tọn mẹ to 2011. E tọn to Worship in the Room, ohànyidokanji he wa aimẹ to azan tintan osun Lidosun 2017 tọn podo gbẹtọ livi susu lẹ po he pọn ẹn to nọtẹn gbẹdido intanẹti ji vovo lẹ podo You Tube po.

Bladopọ ohàn etọn lẹ tọn hẹ yin bibẹdopọ

• BLW Song Compilation Album (2013)
• Soweto Gospel Choir Divine Decade Song Compilation