Jerome Sacca Kina Guezere
|
This article is written in Gun (Gungbe) |
Jerome Sacca Kina Guezere (he nọgbẹ̀ sọn 1952[1] jẹ 11 Alunlunsun 2005) yín tonudọtọ Bénin tọn de. Ewọ wẹ bọdo azinponọ ẹnẹtọ pipli sẹ́nbasitọ Union africaine tọn lẹ tọn go.[2]
E yin dide taidi hagbẹ pipli sẹ́nbasitọ Bénin tọn lẹ tọn whla tintan to 1991 podọ to 1995. E gọalọ nado do Front d'action pour le renouveau et le développement (FARD-Alafia) ai to 1994. Sọn 1996 jẹ 1998, e wadevizọn taidi agbago-gán he nọ penukundo nukọnyiyi glètoho lẹ tọn to togán Mathieu Kérékou glọ. Whladopo dogọ to vòbibla Whejisun 1999 tọn, e yin dide taidi hagbẹ pipli sẹ́nbasitọ Bénin tọn lẹ tọn he to afọ FARD-Alafia zedai. Enẹgodo, e lẹzun nukọntọ tonudọgbẹ́ de tọn he nọ yin yiylọdọ Solidarité et progrès Groupe parlementaire. To vòbibla Whejisun 1999 tọn, e yin dide taidi yinkọ zedaitọ na Union pour le Bénin du futur (UBF) (FARD-Alafia yin dopo to tonudọgbẹ́ heyin apadewhe UBF tọn lẹ). E sọ wadevizọn taidi mẹbọdo-azinponọ go pipli sẹ́nbasitọ Bénin tọn lẹ tọn tintan.[1]
E yin dide taidi mẹbọdo-azinponọ go pipli sẹ́nbasitọ panafricain tọn lẹ tọn ẹnẹtọ to whenue ogbẹ́ lọ yin zizedai to Whejisun 2004. Ewọ wẹ yin afọzedaitọ pipli sẹ́nbasitọ panafricain tọn lẹ tọn to klandowiwe John Kufuor, he yin togán Ghana tọn, whenu to Accra na adà awetọ gandudu etọn tọn. To gbejizọnlin lọ whenu, e bẹ awutu bọ e sọ kú to Bénin to 11 Alunlunsun 2005.[2]
Alọdlẹndonu lẹ
jlado- ↑ 1.0 1.1 "Séminaire parlementaire" (PDF). Archived from the original (PDF) on 2007-06-10. Retrieved 2024-06-25.
- ↑ 2.0 2.1 Speech delivered by the President of Pan-African Parliament Honourable Ambassador Gertrude Ibengwe Mongella, MP at the opening ceremony of the Pan-African Parliament's third session, 29 March 2005.