Jenẹsisi

Jenẹsisi yin owe tintan owe wiwe heblu tọn. E bẹjẹeji po didá wẹkẹ lọ tọn po. E wa vivọnu po okú josẹfu tọn po. Yinkọ heblugbe owe lọ tọn zẹẹmẹdo 'To bẹjẹeji'.

Bladopọ

Jiwheyẹwhe dá wẹkẹ lọ po nuhe tin to e mẹ lẹ po to azán ṣidopo gblamẹ. Jiwheyẹwhe gbọjẹ to azán ṣianwetọgbe bosọ lá ẹ di azán wiwe de to popolẹpo mẹ. Jiwheyẹwhe wleawu jipa edẹni mẹ tọn na sunnu tintan lọ Adam podọ yọnnu tintan lọ Evi. Onu dopo gee wẹ Jiwheyẹwhe ma na dotẹnmẹ ye nado wa. Jiwheyẹwhe degbe na ye ma nado du to sinsẹn atin oyọnẹn dagbe po oylan po tọn mẹ. Odan de klọ evi bọ e sọ du to sinsẹn atin oyọnẹn tọn he Jiwheyẹwhe degbe etọn na ye ma nado du to e mẹ lọ mẹ. E sọ na Adam to sinsẹn atin lọ tọn mẹ bọ e sọ du. Na ye ma setonu na Jiwheyẹwhe wutu, E de ye sọn jipa lọ mẹ, enẹwutu mẹlẹpo dona wazọn whẹpo do du.