Jacob Sogboyega Odulate
Mẹgantẹnmẹ Jacob Sogboyega Odulate (1884-1962) he mẹlẹpo yọnẹn taidi Blessed Jacob yin tòvi tògbo Naijilia tọn. E yin Amasinzọnyọnẹntọ de, Dowatọ de, Wekantọ de, Ajọwatọ de podọ mẹhe basi amasin Alabukun tọn de po.
Bẹjẹeji gbẹzan etọn tọn jlado
Jacob yín jiji to whẹndo Asisi tọn de mẹ to otò Ikorodu tọn mẹ, To whẹndo Odulatẹe Odukanmade he wá sọn whẹndo Sẹnlu tọn he yin dopo to hẹnnumẹ Ramodu tọn to whẹndo Ahọlu tọn he tin to otò Imota tọn mẹ, ehe yin otò he sẹpọ Ikorodu pẹkipẹki. To whenuena e tin to owhe wiẹnẹmẹvi mẹ, e zọn afọ yì Abeokuta to Ayimatẹn Ogun tọn mẹ, zọ̀nlinzinzin lọ dó yi Abeokuta sọ hẹn ẹn na osun Atọn pipli whẹpo e do jẹ dọn. To whenuena e tin to Abeokuta, e dukosọ hẹ nuyọnẹntọ Amasin basitọ de tọn he yinkọ etọn nọ yin Doto Ṣapara, bọ e sọ bẹ azọnpinplọn gando oyọnẹn tintindo dó Amasin bibasi ji to ede. Ojlẹ pẹvide godo, Jacob do azọnwhe Amasin bibasi tọn edetiti tọn ai, Fihe e ko bẹ Amasin wunmẹwunmẹ etọn titi lẹ dopọ te bọ e basi Amasin de he e ylọdọ Alabukun.