Ila Orangun

Ila Orangun (kavi Ila) yin tòdaho dowhenu tọn de to Ayimatẹn Osun Tọn to Naijilia, e yin tatọ́ tẹnnọ na tòdaho dowhenu tọn lọ he tindo yinkọ dopolọ po e po to lẹdo Igbomina tọn to Ayọnu-gbeji, to huwaji whèyihọ tọn to Naijilia. Ila Orangun yin tòdaho de he mẹ gbẹtọ su te hugan eyin e yin yiyijlẹdo tòdaho he tin to apá etọn he yinkọ etọn yin Òkè-Ìlá Òràngún, he tin to agewaji whezẹtẹn tọn na ẹn na nudi kilomita 12.

Finẹ wẹ yin tatọ́-tẹnnọ̀ na Lẹdo Gandudu Dokọ̀ tọn Ila tọn.

Omẹ Ila tọn lẹ nọ dó akọ̀gbe he gbọnvo Ayọnu lẹ tọn de he nọ yin yiylọ dọ Igbomina (kavi Igbonna). Alọnuzọ́n he tovi lẹ nọ wà taun wẹ atàn-pipa. Alọnuzọ́n ehe yin nudego to ohàn he diyin taun lẹ he dọho gando Ila go. Howhinwhẹn lọ, Ila 'o l'oogun, emu l'oogun Ila he zẹemẹdo "Ila ma tindo amasin vonọtaun de, atàn wẹ amasin yetọn". Ohàn yetọn de sọ dọdọ "Ila ni mi, ise mi o le/ti mo ba wa l'orun ope bi 'ofusia' ni i ri", he to gungbe mẹ zẹemẹdo "tovi Ila tọn wẹ n'yin, azọ́n he n'nọ wà bọawu taun ; eyin n'ko gbẹ́ to odétin de ji, e nọ taidi dọ n'to petlezin de ji wẹ nkọ".

Ila-Orangun wẹ Wehọmẹ Daho Ayimatẹn Oyo Tọn, he ko lẹzun Wehọmẹ Daho Ayimatẹn Osun Tọn todin (Oyo (now Osun) State College of Education) yin gbigbá do. Wesẹdotẹn Dodinnanu Bibasi Tọn Na Omẹ Aflika Tọn Lẹ (The African Heritage Research Library) yin didoai to 1988.

Topẹvi dowhenu tọn lọ sọ tindo wehọmẹ de he nọ plọnazọ́n ponọ́ lẹ (Police Mobile Training School). Yinkọ ahọlu (Ọba) Ila Orangun tọn wẹ Oba Abdul Wahab Olukayode Oyedotun Bibiire I. Delẹ to sinsẹn-gán he to topẹvi ehe mẹ lẹ wẹ Alhaji Jamiu Keuyemi, Alhaji Imam Hammed Solahudeen.

Delẹ to omẹ nukundeji otò Ila tọn lẹ mẹ wẹ Alh Bisi Akande he yin ayimatẹn-gán hoho ayimatẹn Osun tọn, Tafa Balogun he yin ponọ̀-gán hoho Naijilia tọn, Aisha Olajide po mọmọ po. Tovi nukundeji devo lẹ wẹ Ogán Adebisi Akande, he yin ayimatẹn-gán hoho Ayimatẹn Osun Tọn to gandudu Olusegun Obasanjo tọn whenu, Tafa Balogun, mẹhe ewọ lọsu yin ponọ̀-gán hoho de.

Whédo he to topẹvi dowhenu tọn lọ mẹ lẹ hugan 197.