Idiat Shobande
Idiat Shobande he to whedelẹnu nọ yin kinkan taidi Idiat Sobande yin aihundatọ yọnnu Naijilia-nu dé he nọ daihun ayọgbe tọn lẹ. To 2011, eyin gigopana po Africa Movie Academy Award po taidi mẹhe wà azọ́n hugan to yọnnu lẹ mẹ. Azọ́n ehe yin mimọ to aihun nupinplọn yọnnu lẹ tọn dé he mẹ e tọ́n te he yin yiylọdọ Aramotu.
Idiat Shobande yin jiji dó whẹndo dé he wá sọn Ayimatẹn Ogun tọn mẹ. Idiat kọnawudopọ hẹ aihundagbẹ Nollywood ayọgbe tọn to 1995. To 2011, Idiat dọho hẹ azọnwhe linlin tọn Vanguard dọ ada he emi yi wa to aihun Aramotu tọn mẹ, zọn bọ èmi dó do jintli nado hoavun na zẹnsisọ sunnu po yọnu tọn to Otogbo Naijilia tọn mẹ. Idiat ko da aihun ayọgbe tọn susu lẹ, delẹ to ye mẹ wẹ: Iyawo Saara, Abode Mecca, Omo Iya Ajo po Aramotu. Aihun he diyin devo he e da lẹ wẹ Kondo Olopa (2007), Láròdá òjò (2008) po Igbeyin Ewuro po to (2009).
To 2010, Idiat yin tọ́ntlọ́ngbọn to aihun Aramotu tọn mẹ. Aihun ehe dó yọnnu lẹ hia taidi mẹ he to nulẹpo wa nado tindo nuyiwadomẹji dagbe to lẹdo mi tọn lẹ mẹ to aihọn he hunnukun ehe mẹ. Ehe wẹ zọn bọ e mọ gigopanamẹnu he yin Africa Movie Academy Award for Best Actress yi. Ṣigba hẹn ẹn bù to enẹgodo bọ Ama Abebrese wẹ wá mọyi.
Alọdlẹndonu lẹ
jladoNọtẹn intẹnẹt tọn devo lẹ
jlado- Idiat Shobande at IMDb