Hester Jonas

Hester Jonas (gblagbla 1570 tọn – 24 Awewesun, 1635 tọn) yin yọ́nnu Allemagne-nù de he yin vijinamẹtọ po amànuwatọ de po. E yin huhu na azé wutu podọ e yin yinyọnẹn di Witch of Neuss (Azétọ Neuss tọn) he mẹlẹ nọ dọ lọ.

Gbẹ̀zan etọn

Hester Jonas yin jiji to Dormagen bo wá sẹtẹ̀n yì Neuss fie e wlealọ hẹ dawe zomọ̀nọ lọ Peter Meurer te. Ojlẹ delẹ to alọwle etọn godo, e jẹ ohia azọ̀n adíngbe tọn mọ ji. E nọ wazọ́n taidi vijinamẹtọ de, amọ́ to ojlẹ dopolọ mẹ mẹlẹ nọ ylọ ẹ dọ nawe amànuwatọ lọ, na e yọnẹn gando gbémasin lẹ, pataki gando amà de he yè nọ ylọ to Glẹnsigbe mẹ dọ mandrake go.

To whenue Hester tindo owhe 64, yè sawhẹ̀dokọna ẹn dọ e yin azétọ, e yin wiwle, yin gbigbejepọn, yin yasana bosọ yin hinhẹn yì owhẹ̀ nukọ̀n to whẹ̀datẹn Mayor of Neuss tọn. To pọmẹ hẹ whẹ̀sadokọnamẹ devo lẹ, whẹ̀datẹn lọ sọ sawhẹ̀dokọna ẹn dọ e ko basi alẹnu de hẹ lẹgba. To aisinsin awè he jẹnukọn, he yin bibasi to azán 15 po 22 po Abọ̀húsun 1635 tọn lẹ whenu, Hester Jonas ma yigbe depope to whẹ̀sadokọnamẹ lọ lẹ mẹ tọn. Osẹ̀ ẹnẹ godo, to azán 19 po 20 po Alunlunsun mẹ, e yin hinhẹn gánnugánnu nado sinai do oján he ji yè ko whe oṣó do lẹdo pe de ji na nudi ganhiho atọ̀n. To whenue yè ko sayana ẹn godo, e yigbe dọ emi ko doalọ to galilọ mẹ hẹ dawe mẹyuu de he nọ yin "Hans Beelzebub", bo ko sọ hẹn gbẹzan gbẹtọ lẹ po kanlin lẹ po tọn gblé gbọn obó dido na yé dali. Hester Jonas penugo go họ̀ngan, ṣigba e sọ yin vivọ́ wle to ojlẹ kleun de godo. Jonas gbẹ́ dọ emi ma kẹalọyi gbeyiyi he emi basi wayi lọ, amọ́ e wá yigbe to whenue yè hò e sinsinyẹn to azán he bọdego godo. E yigbe whẹ̀sadokọnamẹ lọ lẹpo tọn bọ Whẹ̀datẹn lọ dáwhẹ dọ yé ni gbotana ẹn. To azán 24 Awewesun 1635 tọn, yé gbotana ẹn. Oṣio etọn yin mi ẹ bọ afín etọn lẹ yin fúnfúnfún pé gbọn agósu lẹpo ji.

Kandai tito whẹdidọ lọ tọn yin sisẹ̀do tòdaho nusẹdotẹn tọn Neuss tọn mẹ.

Nudọnamẹ dogọ Flinflin lẹ

• "The Ballad of Hester Jonas" gbọn Peter Maiwald dali.
• Hanjigbẹ́ Allemangne tọn Cochise jì ohàn de na Jonas

Hianu Yinukọ̀n dogọ

• Kemmerich, Hetty. Sagt, was ich gestehen soll! Hexenprozesse. Dortmund 2004, ISBN 3-929931-18-4, p. 231–236.