Flora Nwapa

Florence Nwanzuruahu Nkiru Nwapa (azán wiatọ̀ntọ Alunlunsun, owhe 1931 jẹ azán fọtọ̀nnukundopotọ Koyasun, owhe 1993), yin tòvi otò Naijilia tọn de, mẹhẹ ko yin yiylọ dọ Onọ̀ na ogbẹ́ yọyọ wekikan Aflikanu tọn (modern African Literature). Ewọ wẹ yín nukọntọ na wekantọ yọnnu Aflika tọn lẹ podọ ewọ wẹ yọnnu wekantọ tintan he owe etọn yin zinjẹgbonu do glẹnsigbe mẹ to otò Britain tọn mẹ. Owe tintan he e kàn bo ylọ dọ "Efuru" gbọn "Heinemann Educational Books" dali he yin zinzinjẹgbonu to owhe 1966 zọ́n bọ mẹsusu yọnẹn, e sọ wá lẹzun gbẹtọ-nukundeji de to Aflika podọ to Yovo-tomẹ ga. Susu owe etọn lẹ tọn nọ sinai do gbẹzan yọnnu Igbo tọn lẹ ji.