Eléphant Mouillé/guw-bj

Cet article est écrit en Gun (Bénin)

Pierre Zinko (nyí Jiji tó oxwe 1969), é nyí mɛxe gbɛtɔ́ lɛ nyɔ́ɛ́n ganji kpó tɛnmɛnyǐkɔ lɔ Eléphant Mouillé kpó, é nyí hànjitɔ otò Benɛ tɔn ɖé, bosɔ nyí aihundatɔ nukikoɖónámɛtɔ tele ji tɔn ɖé. É nyí dókpó to ogbɛ́ xe dó azɔnxwé aihundida nukpinkpɔn-dó-kplɔ́nnu tɔn xe nɔ nyí Sèmako Wobaho tɔn ai.

Gbɛzǎn étɔn

Zinko nyí jiji to oxwe 1969 mɛ to otò xe nɔ nyí Bohicon to togbo Benɛ tɔn mɛ.

Azɔ̌n étɔn

To hwenuena é nyí oxwe wiawemɛvi, Zinko jɛ azɔ̌n zòkɛ̀kɛ́ jijladó tɔn kplɔ́n ji. Hwenɛnu wɛ é sɔ nɔ yì ɖayǐhun to agɔ́tɛn lɛ. To oxwe 1986 tɔn mɛ, é fó azɔ̌n kpinkplɔ́n étɔn bo yí gbeɖéwema to azɔ̌n zòkɛ̀ké jijladó tɔn mɛ. Énɛgodo, Eléphant Mouillé lɛkɔ dó Cotonou nádó yì dó azɔ̌nwatɛn zòkɛ̀ké jijladó tɔn étɔn ai. Cigbǎ to hwenue é jɛ ɖɔ́n, é mɔ Pipi Wobaho bɔ yé sɔ vɔ azɔ̌n aihundida nukplɔ́n-dó-kplɔ́nnu tɔn jɛeji. To Oxwe 1996 tɔn mɛ, Eléphant Mouillé kpó xɔ́ntɔn vivɛ étɔn Simplice Behanzin xe yě nɔ ylɔɖɔ Pipi Wobaho kpó dó aihunɖagbɛ́ yětɔn ai bo nɔ ylɔɛ ɖɔ Sèmako Wobaho Theater and cinema company, éxe hɛn nukún hunhun kpó nyíɖiɖi kpó wá ná azɔ̌n aihundida nukplɔ́n-dó-kplɔ́nnu to otò Benɛ tɔn mɛ. Kpɔ́jijɛ yětɔn zɔn bɔ aihun sinimɔto tɔn yěton gbayikpé to otò Benɛ tɔn mɛ kpóɖɔ to otò xe sɛkpɔ ɛ lɛ lɔsu mɛ. ná kpɔ́ninɔ yětɔn wutu, To Oxwe 2010 tɔn mɛ, yé yí gigokpanamɛnu susu lɛ to azɔnxwé tele tɔn lɛ kpó hùnhwɛ xe nyí ɖuɖu to Oxwe lɔ mɛ kpó si yěɖɔ Hùnhwɛ Azán Mɛyugbeji Tɔn (Africa ɖay). Aihundida yětɔn to hùnhwɛ lɔ mɛ hɛn gigokpanamɛnu susu lɛ wá ná yé kpóɖɔ ná Benɛ ga. To oxwe 2008 tɔn mɛ, yé basí aihun xe ɖinyǐ ɖé yèɖɔ If it was you. To Oxwe 2012 tɔn mɛ, ogbɛ́ lɔ basí aihun ɖé xe nyí Capricious Apprentice. To Oxwe 2013 tɔn mɛ, ogbɛ́ lɔ gbà bɔ yé jɛ voovo. Aihun xe húgǎn 500 mɛ wɛ Eléphant Mouillé ko tɔ́n te to Benɛ. Sɔ́n Oxwe 1986 jɛ oxwe 2019 tɔn mɛ, aihundida étɔn ko zɔn bɔ é ko mɔ gigokpanamɛnu xe húgǎn kanweko yí bo tɔ́n to viɖéo ohàn tɔn 200 mɛ. É sɔ tɔ́n to aihundida tele ji tɔn xe sɔ Kanɖé-nukúndókpó (41) mɛ, éwɔ wɛ sɔ kàn bosɔ ɖéanana ko (20) to émɛ. To oxwe 2019 tɔn mɛ wɛ é basí hùnhwɛ oxwe koatɔ́ntɔ xe é ko to azɔ̌n aihundida nukplɔ́n-dó-kplɔ́nnu tɔn wà.