Dosu Joseph
Joseph Dosu (mẹhe yin jiji to azán fọtọn-nukun-ẹnẹtọ, osun ṣidopotọ, owhe 1973 tọn mẹ to Abuja) yin bọọlu wletọ de to Naijilia dai.
Azọ́n etọn hẹ ogbẹ́ bọọlu hiho tọn lẹ jlado
Dosu gọalọ na Julius Berger nado dù to Agbawhinwhlẹn Bọọlu tọn he yin Naijilia FA Cup tọn ji to Abowhusun 1996 tọn, to whenuena e tẹnpọn bo wle bọọlu ganji sọta Kastina United. Azọ́n etọn wa tadonakọn to whenuena nugbajẹmẹji aji Jim tọn gbẹduhun tọn de jọ doe to Awọnlin to 1997, e dibla kú to whenẹnu.
To whenuena e dù to Agbawhinwhlẹn 1996 tọn lọ ji godo, e doalowemẹ nado wle bọọlu na bọọluhogbẹ Serie A Club Reggiana tọn. E ma ko tindo kọdetọn tangan de to finẹ whẹpo bọ nujijọ ajiji tọn lọ do zọn bọ e jo bọọlu hiho do to owhe konukunatọn mẹvi yinyin mẹ.
Azọ́n etọn to togodo jlado
Ewọ kẹdẹ wẹ yin bọọlu wletọ he nọte do otò etọn mẹ to bọọlu hogbẹ etọn lẹ mẹ, enẹ wẹ zọn bọ e do yin yiyizan to bọọlu hiho togodo tọn he Naijilia yì lẹ mẹ, sọ le e ma tlẹ do numimọ sọ bọọluwletọ awe he po lẹ do. To whenuena e yí yẹyidogonamẹnu Sika tọn de to whenue e dù to Agbawhinwhlẹn 1996 tọn ji godo wẹ e sọ vọ wá yì na Agbawhinwhlẹn atọ́n devo lẹ to Togodo na Naijilia. Enẹlẹ wẹ dehe wá aimẹ to Abowhusun 1996 tọn, he mẹ Super Eagles lẹ ho Burkina Faso lẹ te po kọdetọn 2 - 0 po to Awọnlin. Bọọlu hiho hẹ họntọn (Friendly Match) de wá aimẹ hẹ Morrocco to Awewesun 1996 tọn, e wazọn ganji to finẹ bo hẹn Naijilia yì Kenya to Osun tintan Owhe 1997 tọn mẹ. Bọọlu hiho hẹ Kenya ehe wẹ yin azọ́n godo tọn he e wà na Naijilia.
Azọ́n bọọlu plọnmẹ tọn etọn jlado
E bẹ azọ́n bọọlu pinplọnmẹ tọn etọn jẹeji to 2009. E yin ogán na nuplọnmẹtọ bọọlu tọn lẹ to Lagos Based Westerlo Football Academy.