Dapo Abiodun

Gun (Gungbe)

Gun (Bénin)

This article is written in Gun (Gungbe)

Dapo Abiodun (he yin jiji to azan koatọ́n-nukunẹnẹtọ, Whejisun, owhe 1960) yin ajọwatọ po tonudọtọ de po to Ayonu lẹ tọn mẹ to Ayimatẹn Ogun tọn he tin to otò Naijilia tọn mẹ. Ewọ wẹ sọ yin Togàn to Ayimatẹn Ogun tọn to alọnu na e du to ovo he yin dido to owhe 2019 tọn ji, Ogbẹ tonudidọ tọn he nọ yin All Progressive Congress (APC) wẹ zee tọn. Dapo Abiodun wẹ sọ yin Tatọ to wedegbẹ Corporate Affairs Commision tọn mẹ e sọ yin Anadetọna Heyden Petroleum, ewọ wẹ sọ dó First Power Limited ai. To Azan aotọ osun atọntọ owhe 2019 (10 Whejisun 2019) tọn mẹ, wedegbẹ he nọ penukundo do ovo go to Naijilia mẹ (Independent National Electoral Commission) la dọ Dapo Abiodun wẹ yin dide po ovo po taidi Togàn Ayimatẹn Ogun tọn.

Dapo Abiodun
Nudọnamẹ Mẹdetiti Tọn
Jijizan	29 Nuwhàsun 2019

Jọja whenu etọn

Dapo Abiodun wa sọn Ipẹru Rẹmo he tin to Ayimatẹn Ogun tọn mẹ. Ahọvi de wẹ uwọ. Whẹndo Doto Emmanuel po Nọviyọnnu Victoria Abiodun tọn he wasọn Iperu Remo to whezẹ̀tẹn Ayimatẹn Ogun tọn wẹ yé ji dó, to azan koatọnnukunẹnẹtọ osun atọntọ owhe 1960 (29 Nuwhàsun 1960).

Wepinplọn etọn

Dapo Abiodun plọnwe gando zomọ go to wehọmẹ alavọ tọn Obafemi Awolowo he tin to Ile-Ife to Ayimatẹn Osun tọn. E sọ plọnnu gando akuẹlinlẹn go to wehọmẹ alavọ tọn to Ayimatẹn Ekiti tọn ehe tin to Ado-Ekiti. E sọ yi ogan devo to gandudu ajọ sọn wehọmẹ alavọ tọn Adeleke he tin to Ede to Ayimatẹn Osun tọn to, E sọ yi gbedewema he ma hunnukun kavi he ma họnwun yiyi to whenuena e to awuwlena ovodido owhe 2019 tọn, to whenuena e yindọ e ko dọdai sọ emi yi wehọmẹ alavọ tọn to whenue e to ovo 2015 tọn wleawuna bọ todin e sọ wa kan dowe mẹ dọ emi ma yí wehọmẹ alavọ tọn gba dọ wehọmẹ ohọ ao tọn kẹ́dẹ́ wẹ emi hia.

Azọn etọn

Dapo Abiodun wẹ yin nukunpedonugotọ Heyden Petroleum Limited (HPL) tọn po azọnwhe zomọmi po amijẹhọnnọ po tọn he tin to Naijilia mẹ, Ewọ wẹ sọ dó azọnwhe First Power Limited ai.

Tonudidọ

Dapo Abiodun yin dopo to mẹhe dó ogbẹ tonudidọ tọn whehẹnọ(People's Democratic Party) ai to Ayimatẹn Ogun tọn mẹ. Dile etlẹ yindọ ogbẹ akizanọ(All Progressive Congress) wẹ e to bibasi to alọnu din to whenuena e jo Ogbẹ he mẹ e te dai dó whenue yẹ dó ovo 2015 tọn godo.E tẹnpọn nado du to ovo 2015 tọn ji nado yí nukọn na whezẹ̀tẹnwaji Ayimatẹn Ogun tọn to Naijilia tọn mẹ to ogbẹ whehẹnọ (People's Democratic Party) tọn glọ amọ e ma pa ẹ. Ye de Dapo taidi dopo to osẹndoaitọ daho togbo daho Naijilia tọn mẹ, to ogbẹ United Nigeria Congress Party (UNCP) he ma sọ tin todin ba glọ. E sọ wazọn dogọ to wedegbẹ Togan lẹ tọn po azọn tonudidọ tọn tangan tangan devo lẹ po ga. To owhe 2019 tọn mẹ, e tẹnpọn nado du Togan Ogun tọn to ovo dido de mẹ to ogbẹ akizanọ (All Progressive Congress) glọ, e sọ du to eji. Eyin hodotọ Klisti tọn nugbo bosọ nọ Basi sinsẹn hẹ Mountain Of Fire and Miracle Ministry.E wa jogbe dọ dile na mẹsusu ma tlẹ jlo dọ emi ni du Togan Ayimatẹn Ogun tọn, Jiwheyewhe wẹ hẹn emi jẹ finẹ.