Christine Reimer

Signe Christine Antoinette Manna Reimer (1858–1943) mẹhe yin linlinnamẹtọ Danish tọn podọ wekantọ he yin finflin na ojlo sinsinyẹn etọn na folklore. owe e kan he nọ yin five-volume Nordfynsk Bondeliv i Mands Minde to (1910–1919) basi zẹẹmẹ aliho ogbẹ tọn, aṣa, po ogbe omẹ tata lẹ tọn to lẹdo tòpẹvi to agewaji Funen tọn. Azọ́n lọ yin pinpọnhlan nado yin vonọtaun to whenuho kandai Danish Folklore po nuwiwa aṣa tọn delẹ po mẹ. E ze azọ́n etọn jo taidi ogú de do nusẹdotẹn nuhoho lẹ tọn to Bogense.

Bẹjẹeji gbẹzan etọn tọn

E yin jiji to azan 15tọ osun 4tọ 1858, to Harslev Parish sẹpọ Bogense to lopo Funen tọn ji, Signe Christine Antoinette Manna Reimer yin viyọnnu Hans Bertel Reimer tọn (1800-1872). he yin ogán de po asi etọn Kirsten Poulsdatter po (1827-1920). E tindo nọvisunnu daa he yin ovi asi tintan otọ etọn tọn, e yin pinplọn whẹn ganji to whẹndo dagbe de mẹ, to whenue e ko yi wehọmẹ otọ etọn tọn godo to Harslev, to whenue e tindo owhe ṣiẹnnẹ, e sẹtẹn yi nọvisunnu daa etọ Alexander sin whégbe to Viborg fihe e zan owhe atọ̀n to wehọmẹ wissing'sgirl tọn te. Mẹdaho etọn plọn ẹn lehe ye nọ penukunndo owe lẹ go do. To whenue otọ etọn basi matintọ to 1872, e lẹkọ do Harslev bo nọpọ po onọ etọn po. Sọn 1880, e zan owhe whégbe mẹdaho etọn he yin nọvisunnu daa etọn Anton de, mẹhe yin sinsẹngán he to nukunpedo ovi atọ̀n etọn lẹ go.

Gbẹmẹzọ́n etọn

Reimer yin pinplọn to Herning kakajẹ 1886 whenue e de ojlẹ akú etọn nado hun azọ́nwhé etọn titi he yin Hellebaek to 1890. To 1897, E gọyi onọ etọn de nado nọ finẹ bo ze ede jo na wekinkan, zindonukọn to ojlo nujọnu tọn etọn to Folklore po ogbe he ma yin yinyọnẹn ganji sọmọ de po aṣa lẹ po. Nukunnumọjẹnumẹ etọn yiaga taun whenue e basi dlapọn yi wesẹdotẹn lẹ bosọ dla mẹhomẹ lẹ pọn nado dọho gando lehe yé zán ojlẹ he wayi lẹ do, e nọ kannu do hosọ voovo 150 ji to owhe dopo mẹ, e hẹn nukunumọjẹnumẹ etọn gando họmẹsisẹdo do go họnwun, bosọ de owe Hjemmets Bog (Owe whégbe tọn) tọ́n to 1908 ehe sọ bẹ Hówhinwhẹn lẹ po ohó milomilo lẹ hẹn ga bosọ basi zẹẹmẹ lehe họmẹ sọgan yin nukunpedego do sọgbe hẹ numimọ etọn. To 1910, Reimer zin owe tintan etọn jẹgbonu he yin Nordfynsk Bondeliv i Mands Minde. Taidi kọdetọn agbasamalo etọn tọn po nuyiwadomẹji wẹkẹ whán 1 tọn, Sọha owe atọ́ntọ etọn ma yin zinzinjẹgbonu kakajẹ 1919. Linlẹn etọn wẹ nado gbloada na aṣa folk tọn pinplọn dokọ lẹ sọn Copenhagen ṣigba nido yin pinplọn gbọn wekantọ daho-daho lẹ dali. E tindo wadotana to linlẹn etọn mẹ whenuena asẹpatọ lẹ wa mọnukunnujẹ azọ́n etọn mẹ. Whenue onọ etọn basi matintọ to 1920, Reimer gbọawupo nado kan owe susu ṣigba kakajẹ vivọnu gbẹzan etọn tọn, e zindonukọn nado nọ kan hosọ lẹ na linlin lẹ. Christine Reimer basi matintọ to Odense to azan 13tọ Awewesun 1943.