Carrie B. Grover

Carrie Blanche Grover (yin jiji to 1879 bo ku to 1959) yin ohan aṣa tọn ji tọ Kanada tọn de, podọ mẹ he nọ sẹ ohan aṣa tọn do de podọ e sọ nọ ho Violin. Gbẹtọ lẹ nọ na ẹn sisi na aliho he mẹ e nọ ji ohan aṣa tọn lẹ te mẹ bọ ohan etọn delẹ sọ yin yiyi do nusẹdotẹn congress tọn he Alan Loma po Sidney Robertson Cowell po sẹdo lẹ mẹ.

Bẹjẹeji gbẹzan etọn tọn

Nova Scotia we Carrie Spinney yin jiji te to 1879. Grover nọ Nova Scotia kakajẹ whenue e yin owhe wiawe mẹ vi. Otọ Grover tọn nọ yin George Craft bọ onọ etọn nọ yin Eliza Long. Whẹndo lọ wa sẹtẹn yi Maine bọ e wa Gould Academy. To whenue wekantọ de he nọ yin Fred Lincoln Hill jlo na dọ ho gando e go, e dọmọ: " whẹndo he wa gle zọn, li gbado bosọ nọ da nake de mẹ wẹ e wa sọn. E ko dẹn bọ tọgbo etọn lẹ wa sọn Amerika. Whẹndo lọ tlẹ ko wa Amerika whẹpo Amerika do jẹ avun ho na mẹdekanujijẹ ji hẹ omẹ Inglish, Scotch, Welsan po Irish tọn po ji. Whẹdo onọ po otọ Grover tọn lẹ po yọn ohan ji ganji. To 1896, Carrie wlealọ hẹ Almon Roy Grover to 1896 oto pẹvi Gorham tọn mẹ wẹ ye omẹ awe lẹ nọ. Alọwle lọ tindo ovi atọn enẹwẹ: Gertrude, Ethel po Roy po.

Ohan aṣa tọn etọn lẹ

To whenue mẹlẹ ko yọnẹn ganji taidi ohan aṣa tọn jitọ de, to 1941 Grover yi ohan 87 do kanji po ogbe Violin tọn po to nusẹdotẹn congress tọn. Nusẹdotẹn congress tọn dọmọ: "Mrs. Grover sinayin do gbezedoaganu nukọn bo ji bosọ bai kasẹti ohan tọn gbanewhe-ẹnẹ. Delẹ to ohan he e yi do kanji lọ lẹ mẹ ko hugan owhe 100 lẹ" todohukan ji ohan tọn he Grover bai lẹ sọ tin to apadewhe todohukan ji  Eloise Hubbard Linscott tọn mẹ. Grover wẹ yin yọnnu England tọn yọyọ he to jọhọn mẹ he nọ ho Violin he tin to todohukan ji ohan tọn etọn mẹ. Linscott dọ homẹ emi tọn hun taun dọ todohukan ji ohan tọn Grover tọn do todohukan ji ohan tọn emi tọn lẹ mẹ. Linscott dọmọ nuhe go Grover ma donu to ohan etọn lẹ mẹ e nọ yi Violin do de ye tọn to hugan ohan 400 he e tindo lẹ mẹ.