Borgu Local Government Area

Borgu yin Lẹdo Gandudu Dokọ̀ tọn de to aṣẹpipa Ayimatẹn Niger Tọn tọn glọ to Naijilia, e yin dopo to Lẹdo Gandudu Dokọ̀ tọn (LGD) koatọ́n ayimatẹn lọ tọn lẹ mẹ, gọna tatọ́-tẹnnọ etọn to New Bussa. Sọha pósu tọn lẹdo lọ tọn wẹ 913. LGD Borgu tọn ko yin apadewhe ayimatẹn Kwara tọn dai, amọ sọn 27 Avivọsun 1991 e yin zizedo aṣẹpipa Ayimatẹn Niger Tọn glọ.

LGD lọ tindo aṣẹpipa dopolọ po Borgu Emirate - gandudu hohowhenu tọn Naijilia tọn de po. E bẹ zungbó Borgu tọn (Borgu Game Reserve) po apadewhé nupọntẹn Kainji tọn (Kainji National Park) po hẹn.

To mẹhihia 1991 tọn whenu gbẹtọ sọha 110,000 wẹ yin mimọ to LGD Borgu tọn po akọ̀ flusọ́ etọn lẹ po dile ye yin sislẹ bọdego do:

• fulani 30,000
• boko 25,000
• Busa 15,000
• Hausa 10,000
• kambari 8,000
• Ayọnu 7,000
• Laru 5,000
• Duka 3,000
• Nupe 2,000
• Lopa 2,000
• Igbo 1,000
• Akọ̀ devo lẹ 2,000