Avọ

Gun (Gungbe)

Gun (Bénin)

This article is written in Gun (Gungbe)

Avọ yin onu Jọwamọ tọn dé. sekanfun dé mẹ wẹ Avọ nọ tọn sọn, bọ yé nọ wa tọẹ dopọ dó dehe jlo didotọ lọ dó. Avọ dido nọ ṣiọn agbasa. Gbẹtọ lẹ nọ dó Avọ he jlo yé lẹ, Avọ wunmẹwunmẹ lẹ wẹ tin, Amọ kanlin lẹ ma nọ dó Avọ gba. Awu lẹ wẹ nọ ṣiọn agbasa, bọ awuwa lẹ nọ ṣiọn alọ lẹ mọjanwẹ ṣokoto lẹ po yẹli lẹ po nọ ṣion afọ lẹ, gbakun sọ nọ ṣiọn ota. To whenuena fifa tin to aimẹ, Avọ daho he pẹn lẹ nọ yin dido, enẹ wẹ Avivọwu dé. Avọ nọ Basi hihọ na agbasa gbẹtọ tọn sọn òwu taidi owhẹ, po ninọmẹ aihọn tọn he hunmiyọn to apadewhe aihọn lọ tọn mẹ. Avọ he tli lẹ sọ nọ Basi hihọna agbasa sọn avivọ sí kavi ninọmẹ fifa aihọn tọn he tin to otò delẹ mẹ po Si. Na mí ni dọ poun dọ Avọ nọ Basi hihọna agbasa sọn owunu lẹ si. Avọ sọ nọ yin dido nado ba aṣọ. Gbẹtọ lẹ sọn otò voovo lẹ mẹ kavi aṣa voovo lẹ wẹ dó Avọ wunmẹwunmẹ po alọpa voovo he yé do nọ tọ Avọ yetọn lẹ dó. Mọjanwẹ Avọ sọ nọ saba dó gbẹtọ yinyin mẹde tọn hia kavi azọn he mẹde nọ wa po Sinsẹn he mẹde nọ yi po hia. Avọ sọ nọ dó vogbigbọn sunnu po yọnnu po tọn hia. Mọdopolọ Avọ sọ nọ dó vogbigbọn hia to mẹhe ko whẹn po mẹhe ma whẹn po ṣẹnṣẹn to. Jọja lẹ dó ninọmẹ avọtitọ tọn he nọ zọnbọ yé nọ gbọnvo dó mẹho lẹ. Enẹwutu Avọ ma tin na hihọ poun gba to Gbẹzan gbẹtọ tọn mẹ. Ninọmẹ kavi alọpa he to zoji lẹ wẹ mẹlẹ nọ jlona tọavọ yetọn lẹ te nido sọgan yọnpọn bo yin alọkeyi gbọn aihọn lọ dali.

Otan avọdido lẹ

Fihe avọdido bẹsọn

Mẹde ma sọgan dọ fihe Avodido Bẹsọn, na Avọ ma dó Whenuho tangan dé gba podọ Avọ sọ nọ gble bọ okọ nọ dù i gudu. Amọ dodinnanu dohia dọ yé mọ Avọ dé he ko hugan owhe 107,000, e dohia dọ Avọ ko tin sọn whenu dindẹn die.

Nuhe ma yin avọ lẹ

Gbẹtọ lẹ nọ saba yi amisisa owangblingblinnọ lẹ po nusisa aminọ lẹ po pudlu lẹ po dó doaṣọna yede lẹ. Mẹdelẹ no kannu dó agbasa go mọwẹ mẹdevo lẹ nọ tọn otò, awọnti kavi fidevo lẹ to agbasa yetọn lẹ go nado doaṣọna yede lẹ. Alọgan lẹ, Kọnu lẹ, Saki pevi lẹ, Gannukun lẹ, po Afọpa lẹ po yin aṣọdonu lẹ ṣigba yé ma yin Avọ.

Nuhe yé nọ yí dó basi avọ lẹ wẹ

Nuhe nọ bayi Avọ lẹ wẹ

1. Atinlẹ
2. Sekanfu lẹ
3. Galua
4. Osẹn lẹ
5. Sinklọn lẹ po

Enẹgodo mi nọ zan Avọ, Yẹnvi, Avọ sannu po Avọtọnu lẹ po