Antioku Silia Tɔn/guw-bj

Antioku Silia tɔn tin to tɔ‌sisa Orontes ji, yèɖɔ nuɖi kilomɛtlu 30 sɔ‌n xuto Meditelane tɔn xe to Seleukia kpóɖɔ nuɖi kilomɛtlu 550 dó agewaji Jelusalɛm tɔn. Séleucus i Nicator, xe nyí togán tintan axɔluigba Séleucide tɔn wɛ dó Antioku ai to oxwe 300 B.C.E. Antioku yawu ɖi nnyíá é nyí tatɔ‌-tònɔ axɔluigba enɛ tɔn wutu. To oxwe 64 B.C.E., ahwàngán lomu tɔn Pompée yí Silia dó basí ayimatɛn Lomu tɔn ɖé, bɔ Antioku lɛzun tatɔ‌-tònɔ etɔn. To oxwe kanweko tintan C.E., gbɔnvona lomu kpó alɛkzanɖli kpó, antioku wɛ nyí tòɖaxó atɔ‌ntɔ xe klo bosɔ jɛ adɔkun húgǎn to tòɖaxó xe tin to axɔluigba lomu tɔn glɔ lɛkpó mɛ. Antioku nyí ahɔnkan ajɔwiwa tɔn kpó tonuɖiɖɔ kpó tɔn. Agbàn ajɔwatɔ xe to silia lɛkpó tɔn wɛ nɔ gbɔn finɛ hwɛkpó dó nɔ nyí didóhlan lɛdó oxù Meditelane tɔn xe kpò lɛ mɛ. Ju lɛ sù to Antioku.