Ahi Oyingbo tọn
Ahi Oyingbo tọn yin ahi daho de to Oyingbo he yin tòdaho de to lẹdo Ebute Metta tọn to Awọnlin. Ahi lọ yin dopo to ahi hoho lẹ mẹ podọ dopo to ahi he mẹ gbẹtọ lẹ nọ sù te hugan te to Awọnlin, ehe nọ yidogọna nukọnyiyi ayimatẹn lọ tọn to ajọ́liho.
Otàn
jladoAhi Oyingbo tọn yin didoai to bẹjẹeji 1920 tọn lẹ. To bẹjẹeji, e yin fie yé nọ bẹ jìnu lẹ do eyin yé hẹn yé sọn ogle mẹ. Ahi lọ wá jẹ adagbloji vude vude na nukọnyiyi lẹdo Oyingbo tọn, Ebute Metta tọn po Agé-klo Awọnlin tọn (Lagos Mainland) po wutu.
To bẹjẹeji owhe 1930 tọn lẹ, ajọwatọ he tin to ali Apapa tọn ji lẹ yin tẹnsẹna do ahi Oyingbo tọn mẹ nado yidogọna adagbigblo ahi lọ tọn po linlẹn lọ po nado hẹn ahi lọ lẹzun nọtẹn ajọwiwa tọn tangan de he na dọn ayidonugo ahisinọ lẹ tọn sọn lẹdo lẹpo mẹ to Naijilia.
Lehe ahi lọ te
jladoAhi Oyingbo tọn yin hihọliai to aṣẹpipa azinponọ̀ lẹdo gandudu dokọtọn Lopo Awọnlin tọn whenẹnu tọn glọ po linlẹn lọ po nado vọẹ gbá to aliho dagbe egbezangbe tọn de mẹ, po alọgọ họgbatọ vonọtaun delẹ tọn po, ogán M.K.O Abiola yin oylọbasina nado ze dodonu ahi yọyọ lọ tọn ai.
Ayilinlẹn lọ nado vọ ahi lọ gba ma nọte do ayimatẹn-gán dopo ji, ṣigba to 2015, ayimatẹn-gán hoho Awọnlin tọn Babatunde Fashola hùn ahi yọyọ he yin vivọgba to aliho dagbe egbezangbe tọn mẹ lọ.
Ahi Oyingbo tọn yọyọ lọ petlezin-nu-ẹnẹnọ de he yin gbigbá do aigba he ko sọ mẹtlu 504 lẹdo pe, e tindo nọtẹn fie yè sọgan glihùn he sọ 150 do to odo, e sọ tindo ṣọbu daho lẹ he sọ 622, podọ e sọ tindo ṣọbu pẹvi lẹ he sọ 102, e tindo adado 134 podọ họngbo daho ṣidopo. Akuẹ he yin yiyizan nado vọ ahi lọ gbá diblayi naira liva dopo (#1billion).