Ahi Alaba international tọn

Ahi Alaba international tọn yin ahi nuzinzan lẹtliki tọn lẹ tọn de he tin to Ojo , to ayimatẹn Awọnlin tọn to otò Naijilia tọn mẹ. Ewọ wẹ ahi nuyizan lẹtliki tọn he klo hugan to Naijilia. Gbọnvona nuzinzan lẹtliki tọn lẹ sisà, nuzinzan whégbè tọn lẹ sọ nọ yin jijlado to ahi lọ mẹ. Na nuhihọ̀ po nusisà voovo lẹ po lẹ he nọ wá aimẹ to ahi lọ mẹ wutu, ehe hùn dotẹnmẹ dote na mẹhe nọ jla nuzinzan lẹtliki tọn do lẹ, he sọ nọ jla nuzinzan lẹtliki tọn whégbè tọn lẹ do nado wàjọ́ hẹ mẹhe nọ sà nuzinzan lẹtliki tọn lẹ. Ahi lọ nọ yin hùnhùn to azán lẹpo gbè, Sẹgbe po gbọjẹzan dide lẹ whenu kẹdẹ wẹ ahi lọ ma nọ yin hùnhùn. Yindidi ahi lọ tọn po ajọ́ voovo he nọ yì to emẹ lẹ po ko dọ̀n ayidonugo ajọwatọ yọyọ devo lẹ he wá sọn ofi voovo lẹ to Aflika tọn, ehe zọn bọ ahi lọ yin hinhẹn gblo deji podọ sọha gbẹtọ he nọ wá ahi lọ mẹ to gbedopo sù dogọ, podọ ehe yidogọna yindidi ayimatẹn Awọnlin tọn to ajọ́liho.

Lehe onú lẹ nọ yin wiwà do to ahi lọ mẹ

Ahi Alaba international tọn yin ahi dagbe de he mẹ ajọwatọ depope ma nọ dọ dandan dọ akuẹ lé wẹ yè nado sà kavi họ̀ nude to ahi lọ mẹ, mẹdepope wẹ sọgan biọ ahi lọ mẹ nado họ̀nú. Gbẹtọ susu lẹ wẹ nọ wá họ̀ kavi sà nudepope he yé jlo sọgbe hẹ akuẹ yé tindo to alọ mẹ po nugopipe yetọn po, ehe nọ zọn bọ ninọmẹ núlẹ tọn nọ to didiọ sọn ojlẹ de mẹ jẹ devo mẹ.

Sọ pọ́n

Todohukanji Ahi lẹ tọn to Awọnlin