Adeniran Ogunsanya/guw-bj

Adeniran Ogunsanya (azán 31tɔ alunlunsun 1918 - azán 22tɔ abɔ̀húnsun 1996) nyí hwɛ̀yiɖɔtɔ kpó tònuɖɔtɔ́ ɖékpó, bo sɔ nyí vijiji otò Naijilia tɔn. é sɔ nyí dókpó to mɛxe dó ogbɛ tonǔɖiɖɔ tɔn tòɖaxó Ibadan tɔn ai lɛ mɛ(IPP). É wazɔn tayiɖi kɔmicɔna osɛnnywɛtɔ lɛ tɔn kpóɖɔ tito nukplɔ́nmɛ tɔn ayimatɛn Awɔnlin tɔn. Ewɔ dókpólɔ wɛ sɔ nyí ògán ɖaxo húgǎn ná ogbɛ tonǔɖiɖɔ tɔn xe nyí Nigeria People's Party to hwenuena é tin to ogbɛ.

Jɔja hwenu etɔn

Yě ji Adeniran to azán gbàn-nukúndókpótɔ alunlunsun 1918 to agbegbe Ikorodu tɔn to ayimatɛn Awɔnlin tɔn mɛ to hɔngbo Ajɔbi Suberu Ogunsanya Oguntade xe nyí nukúnmɔnu oto Ikorodu tɔn to hwenɛnu.

Adeniran yi wexɔmɛ dókɔtɔn xe nɔ nyí yiylɔɖɔ xokpé Waddell Training Institute to oto Calabar tɔn mɛ to hwenuena é tin to tavɛ étɔn xe to axoluzɔn wa to oto Calabar tɔn mɛ ɖé. To oxwe 1937 tɔn mɛ é bayi zekpɔn to wexɔmɛ bo tɔnta to mɛxe yí ná zekpɔn lɔ lɛ mɛ, bɔ yé náɛ Gbeɖéwema ɖé xe dóxya ɖɔ Axɔlu wɛ ná nɔ kpénukúndó akwɛ́zinzan wexɔmɛ tɔn étɔn go. Bɔ yě sɔ ze é wa wexɔmɛ Kings college xe tin to ayimatɛn Awɔnlin tɔn. É zindónukɔn to wexɔmɛ étɔn mɛ bo wà yi wexɔmɛ alavɔ tɔn xe yɛ nɔ ylɔɖɔ University of Manchester kpó Gray's Inn xe nyí wexɔmɛ osɛn kpinkplɔ́nmɛ tɔn.

Azɔn etɔn tayiɖi sɛnnyɔɛtɔ ɖé

Adeniran bɛ azɔn tayiɖi sɛnnywɛtɔ ɖé bo wazɔn xɛ azɔnxwe Chief T.O.S Benson tɔn to Awɔnlin, To hwenuena é gɔ sɔ́n Yovotomɛ. é wa kɔnawudókpɔ́ xɛ mɛɖaxo étɔn xe nɔ nyí Suuru Adebayo Ogunsanya bɔ yé dó azɔnxwe osɛnnywɛtɔ lɛ tɔn yěɖétiti tɔn ai bo nɔ ylɔɛɖɔ Ogunsanya & Ogunsanya Chambers to oxwe 1956 tɔn mɛ.

Nuwiwa étɔn tayiɖi tònuɖɔtɔ́ ɖé

To cɛncɛn oxwe 1950 tɔn mɛ, Adeniran wazɔn tayiɖi dókpó to mɛnukúnɖéji ogbɛ tonǔɖiɖɔ tɔn National Council Of Nigeria and The Cameroons. étlɛ sɔ nyí ògán ná Jɔja lɛ to ogbɛ tonǔɖiɖɔ tɔn xe nyí NCNC to oxwe 1959 tɔn mɛ, é sɔ wa lɛzun nukɔntɔ ná ogbɛ lɔ to Ikeja kpó Mushin kpó bo nɔ nɔtɛna yé to weɖégbɛ osɛnnina tɔn nukɔn. Adeniran hɛn tɛnmɛ ɖaxo-ɖaxo lɛ go to ogbɛ tonǔɖiɖɔ tɔn étɔn mɛ kpóɖɔ to ayimatɛn Awɔnlin tɔn mɛ ga.

To tonǔɖiɖɔgbɛ étɔn mɛ, é ɖu azinkpónɔ ná weɖégbɛ xe no kpàcɛ to ogbɛ lɔ mɛ kpóɖɔ ga ògán ná mɛxo-mɛxo tònuɖɔtɔ́ lɛ kpó nukúnmɔnuto tɔn Axɔlu yovogbe tɔn lɛ tɔn, enɛgodo wɛ é basí wekantɔ ná azɔnxwe tonǔɖiɖɔ Axɔlu tɔn. dógo é sɔ lɛzun ògán ná nukúnkpédónugotɔ ganɖuɖu dókɔ tɔn Mushin tɔn. hwɛkpó bɔ ganɖuɖu miɖélɛ tɔn dó tɔnsɔ́n aimɛ, Adeniran ɖu mǐnísítà ná oxɔ kpó fixe gbɛtɔ́ lɛ nɔ nɔ kpó tɔn to Aimatɛn Awɔnlin tɔn mɛ. Enɛgodo yě sɔ ɖée tayiɖi kɔmicɔna ná tito wekpikplɔ́n tɔn to Aimatɛn lɔ. Adeniran lɔ wɛ sɔ ɖu Anaɖénanutɔ ogbɛ tonǔɖiɖɔ tɔn Lagos Progressive xe ogbɛ awe ɖevo lɛ kɔnawudókpɔ́ xɛ bo wa lɛzun Nigeria People's Party (NPP) to hwenuena ganɖuɖu miɖélɛ tɔn awetɔ wa aimɛ to Naijilia mɛ. Modókpólɔ, Adeniran lɛzun azinkpónɔ ná ogbɛ yɔ́yɔ́ (NPP) tɔn to hwenue Sɛlɛ Olu Akifosile xe nyí azinkpónɔ ogbɛ lɔ tɔn ɖayǐ hɛn otɛn étɔn bú to ganɖuɖu hwinhwlɛn xɛ Lateef Jakande to ovo ɖé mɛ, bɔ é tɔn sɔ́n azinkpónɔ tɛnmɛ ògán lɔ tɔn. Adeniran hwɛxwɛ wɛ ɖu sɛnnywɛtɔgan tintan to otò lɔ blebu mɛ to gbɛhwenu étɔn xwekpó é dó lɛzun kɔmicɔna ná tito wekpinkplɔ́n tɔn to otò lɔ mɛ.

Nǔxe ényi nyínywɛna kpó nǔxe é wa lɛ kpó

1. Yě ɖiɔ nyíkɔ Lagos State College Of Education(LACOED) tɔn dó Adeniran Ogunsanya College of Education (AOCOED) nádó dó kpinkpɛnnutɔn nyínywɛ xya ɛ ná azɔn ɖaxo-ɖaxo xe é ko wa nádó ze Awɔnlinto ɖaga.
2. Senior Avocate of Nigeria.
3. Queen's Council.