Abdullahi (sultan)
Abdullahi yin Sultan Kano tọn he dugan sọn 1499-1509.
| Sunnu kavi yọnnu | sunnu  |
|---|
Otan gbẹzan tọn etọn to otannugbo Kano tọn mẹ
jladoEhe wẹ otan gbẹzan tọn Abdullahi tọn sọn Palmer's 1908 lẹdogbedevomẹ anglẹ tọn to otannugbo Kano tọn mẹ.
Sarki konukundopotọ wẹ Abdulahi yin. Onọ etọn nọ yin Auwa. Nuwadomẹji etọn do huhlọ taun hugan gadutọ he po to azan etọn mẹ lẹ po tọn. E gba ohọ he to Doseyi, ṣogan oyin etọn, “Giddan Madaki Auwa.”
To whe etọn nu Ahmedu, he to yinyin Liman Kano tọn, gọ wa. Abdulahi gbawhan Katsina tọn. E zindounkọn dile Katsina lọsu na ede dosla lẹdo tọsisa he to sẹpọ Tsagero. E gbọṣi Tsagero na osun ẹnẹ bọ enẹ godo e yi Zukzuk bo funawha to finẹ. To whenue e ko gbawhan sunu he tinto Zaria lẹ tọn godo e zindounkọn sọ yi Kadaura podọ yi Kalam bo funawhan sọta finẹ nu lẹ, enẹ godo e lẹkọ yi Kano.
To whenue e lẹkọ wa whe e mọ dọ Dagachi to awuwle nado ṣinatẹ, podọ Madaki Auwa kẹdẹ ko doalọ te na tukla sinsinyẹ, dile nuyiwadomẹji etọn sinyẹ taun to Kano. Ehe wẹ zọn bọ Sarkin Bornu tọn tọawhan Kano, bo do sla lẹdo Gunduawa. Sarkin Kano tọn tọn yi nado yi pe ewọ po mallams etọn lẹ po podọ e ze ede whe to nukọn etọn. Sarkin Bronu lẹkọ yi oto etọn mẹ. Tlolo he e yi, Abdulahi klọ Dagachi nado kọngedopọhẹ, bo dee sẹ sọn azọnwatẹn etọn bo wa ze afanumẹ etọn do otẹn etọn mẹ.
E dugan do Kano ji na owhe ao.
— Otannugbo Kano tọn